13.01.2025 | 13:31
Պենտագոնի ղեկավարը խորհուրդ է տվել ԱՄՆ պաշտպանական ծախսերն ավելացնել ավելի քան 50 միլիարդ դոլարով
Այս օրենքը բերվել է 1 մարդու պաշտպանելու համար․ մարդիկ ձևերը կգտնեն՝ գնահատական տալու․ Աղվան Վարդանյան․ ՏԵՍԱՆՅՈՒԹ
Քաղաքականություն
09.12.2021 | 12:28
7-րդ գումարման խորհրդարանն իր վերջին շնչում օրենք ընդունեց՝ ծանր վիրավորանքը քրեականացնելու վերաբերյալ, որն այժմ գործում է: ԱԺ-ում ելույթի ժամանակ ասաց «Հայաստան» խմբակցության պատգամավոր Աղվան Վարդանյանը և շեշտեց, որ այդ օրենքը լուրջ խնդիրներ ունի Սահմանադրության, մարդու իրավունքների և ազատությունների պաշտպանության կոնվենցիայի հետ.
«Վիրավորանքի քրեականացումը որևէ իրավաչափ նպատակ չի հետապնդել, այն իրականում ունեցել է մեկ նպատակ՝ քրեաիրավական միջոցների և ընթացակարգերի գործադրմամբ, սպառնալիքով սահամանափակել ազատ խոսքը, հրապարակային քննադատությունը, հատկապես՝ հանրային պաշտոն զբաղեցնող անձանց դեպքում, մինչդեռ ՄԻԵԴ-ը բազմիցս նշել է, որ խոսքի ազատությունը կարող է լինել ոչ միայն ընդունելի խոսքը, այլ նաև այն արտահայտությունները, որոնք կարող են ցնցող և վիրավորական համարվել որոշ մարդկանց կողմից»,- նշեց Վարդանյանը:
«Իմ խորին համոզմամբ՝ սա իրականում օրենք է մեկ մարդու, մեկ անձի դեմ քննադատությունը սահմանափակելու, պատժելու և քրգործեր հարուցելու համար: Վստահ եմ, որ այս 18 գործն էլ վերաբերում են այդ մեկ մարդուն, և ընդդիմության նկատմամբ կատարված նման արարքների պարագայում որևէ իրավական հետևանքներ չեն առաջացել»,- ընդգծեց պատգամավորը՝ հավելելով՝ օրենքն իր նպատակին չի ծառայելու, հայհոյանքը պետք է ոչ թե սպառնալիքով փորձենք դադարեցնել, այլ պետք է փորձենք օրինակ ծառայել, ինչպես երկրի բարձրաստիճան պաշտոնյաններն են պահում իրենց, այնպես էլ հասարակությունն է իրեն պահելու:
Պատգամավորի դիտարկմամբ՝ օրենքում օգտագործված են արտահայտություններ, որոնք չափազանց գնահատողական են, ինչը ենթադրում է անորոշություն և շատ դեպքերում կարող են լինել կամայական մոտեցումներ:
Մանրամասները՝ տեսանյութում:
