11.10.2026 | 12:06
Հայ զինծառայողները վարժանքներ են անցկացրել «Արամազդ» հրետանային միջոցով և նոր տեխնիկայով
Ղարաբաղի վերջնական կարգավիճակ․ բայց ո՞վ է ասել, որ դա նշանակում է անկախություն․ Փաշինյան. ՏԵՍԱՆՅՈւԹ
Քաղաքականություն
08.12.2021 | 19:54
Ազգային ժողով – կառավարություն հարցուպատասխանի ժամանակ ընդդիմադիր «Հայաստան» խմբակցության պատգամավոր Արթուր Խաչատրյանը վարչապետ Նիկոլ Փաշինյանին հիշեցրեց Ռուսաստանի արտաքին գործերի նախարարության վերջերս տարածած հայտարարության մասին, որտեղ նշվում էր, որ հայկական և ադրբեջանական կողմերին ներկայացված ռուսական առաջարկի իրականացման դեպքում Լեռնային Ղարաբաղին հարակից երկու շրջանների (Քելբաջարի և Լաչինի) հանձնումը Ադրբեջանին պետք է կապվեր Լեռնային Ղարաբաղի վերջնական իրավական կարգավիճակի որոշման հարցի հետ, հայկական կողմը մերժել է այդառաջարկը:
Ի պատասխան՝ Նիկոլ Փաշինյանը նշեց. «Հայ հանրության շրջանում որոշակի պրոպագանդայի արդյունքում ձևավորվել է տեսակետ, որ եթե ասում ենք окончательный статус Нагорного Карабаха, դա նշանակում է Ղարաբաղի անկախություն, կամ չգիտեմ՝ ուրիշ մի բան: Իսկ ո՞վ է այդպիսի բան ասել: Դա նշանակում է վերջնական կարգավիճակ»:
«Երբեք բանակցային գործընթացում և փաստաթղթերում չի ֆիքսվել, որ պոտենցիալ հանրաքվեն լինելու է Լեռնային Ղարաբաղում։ Հասկանո՞ւմ եք՝ չի ֆիքսվել ոչ մի անգամ տարածք, թե որտեղ է տեղի ունենալու այդ հանրաքվեն։ Հասկանո՞ւմ եք՝ էստեղ էնքան նրբություններ կան։ Ասում են՝ окончательный статус Нагорного Карабаха (Լեռնային Ղարաբաղի վերջնական կարգավիճակ)։ Բայց ի՞նչ է լինելու էդ կարգավիճակը, ո՞նց ա որոշվելու։ Ի՞նչ ա լինելու վերջում։ Որևէ մեկը էս հարցի պատասխանները գտե՞լ ա»,- հարցադրում արեց Փաշինյանը։
Մանրամասները՝ տեսանյութում:
