10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Հասա Ռուբինյանի աշխատասենյակի մոտ, տեսա՝ ուժեղ քաշքշուք էր. Սիսակ Գաբրիելյանը՝ երեկվա միջադեպի մասին. ՏԵՍԱՆՅՈՒԹ
Հասարակություն
08.12.2021 | 13:18
«Միջադեպի մանրամասներին չեմ տիրապետում, որովհետև ներկա չեմ եղել և ցավում եմ, որ ներկա չեմ եղել ոչ թե նրա համար, որ ուզում էի լինել, այլ գուցե փորձեի ինչ-որ բան կանխել»,- ԱԺ-ում լրագրողների հետ զրույցում ասաց «Քաղաքացիական պայմանագիր» խմբակցության անդամ Սիսակ Գաբրիելյանը՝ անդրադառնալով նախօրեին ԱԺ-ում տեղի ունեցած ծեծկռտուքին։
«Ես հասել եմ այն պահին, որ պահին` դուք էլ էիք հասել։ Մամուլի վերնագրերից եմ իմացել, որ ես էլ եմ ներկա եղել ծեծկռտուքին»,- նշեց Գաբրիելյանը։
Ինչ վերաբերում է ծեծկռտուքից առաջ միջանցքում դաշնակցական երիտասարդների հետ խոսակցությանը, Սիսակ Գաբրիելյանը նշեց. «Ես անձամբ իրենց ձեռքս մեկնել եմ, ջանով-ջիգյարով ասել եմ՝ տղե՛րք ջան, գնացեք, ոչ մի խնդիր չկա։ Հետո հասել եմ էն պահին, որ աղմուկ էր լսվում։ Մոտեցել եմ մի տղայի, որի հետ քաշքշուք էր, իրեն գրկել եմ, ուղեկցել եմ դեպի դուռը և ասել՝ գնա։ Տհաճ, ինձ համար անընդունելի տեսարան էր, դատապարտում եմ», – ասաց Սիսակ Գաբրիելյանը։
Պատգամավորը պնդեց, որ ծեծկռտուք չէր կարող սկսել միջանցքում իրենց և դաշնակցական երիտասարդների միջև տեղի ունեցած խոսակցությունից, իսկ թե ինչից է սկսել՝ չի կարող ասել։
«Անընդունելի է, դատապարտում եմ, չի կարելի բռնությամբ հարցեր լուծել»,- նշեց Գաբրիելյանը։
Մանրամասները՝ տեսանյութում:
