17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ՄԻՊ-ը Փարիզում խոսել է 44-օրյա պատերազմից հետո մարդու իրավունքների խախտումների մասին. ՏԵՍԱՆՅՈՒԹ
Հասարակություն
08.12.2021 | 13:05
ՀՀ մարդու իրավունքների պաշտպան Արման Թաթոյանը Փարիզում խոսել է պատերազմից հետո մարդու իրավունքների խախտումների և ադրբեջանական շարունակական ցեղասպան քաղաքականության մասին։
Նա զեկուցումով հանդես է եկել Եվրամիության պատգամավորների և Ֆրանսիայի Հայ դատի հանձնախմբի կազմակերպած միջոցառման ժամանակ, որը տեղի է ունեցել Փարիզի Պալե-Ռոյալ թատրոնի շենքում։
Զեկույցում մանրամասն խոսել է պատերազմից հետո մարդու իրավունքների խախտումների և ադրբեջանական շարունակական ցեղասպան քաղաքականության մասին։ Նշել է նաև, որ ՀՀ սահմանային բնակիչների իրավունքների պաշտպանությունը պահանջում է ադրբեջանական զինված ծառայողների հեռացում ՀՀ գյուղերի հարևանությունից և ճանապարհներից:
Նշենք, որ հանդիպմանը մասնակցել են 500-ից ավելի հայկական սփյուռքի կառույցների ղեկավարներ, հայ համայնքի ներկայացուցիչներ և Ֆրանսիացի պաշտոնյաներ։
Հիշեցնենք, որ ՀՀ ՄԻՊ-ն աշխատանքային այցով Ֆրանսիա է մեկնել դեկտեմբերի 6-ին։ Նա այնտեղ ավելի վաղ հանդիպել է իր ֆրանսիացի գործընկերոջը` Ֆրանսիայի ՄԻՊ Կլեր Հենոնի հետ։ Անդրադարձ է կատարվել ադրբեջանական զինծառայողների կողմից հայ զինծառայողների և քաղաքացիական բնակիչների իրավունքների կոպիտ խախտումներին, այդ թվում` խոշտանգումների, վայրագությունների համար պատասխանատվության հարցին։
Մանրամասները՝ տեսանյութում:
