22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Գերասիմը Արարատ Միրզոյանի սպանության փորձի գործով մեղադրյալ չի. Արծվիկ Մինասյանը՝ Հրաչյա Հակոբյանին. ՏԵՍԱՆՅՈՒԹ
Քաղաքականություն
08.12.2021 | 11:52
Հրաչյա Հակոբյանը հերթական անգամ իր կեղծ, սուտ հրապարակային հայտարարություններով փորձում է նորից շեղել հանրության ուշադրությանը: ԱԺ-ում լրագրողների հետ զրույցում նշեց «Հայաստան» խմբակցության քարտուղար Արծվիկ Մինասյանը՝ անդրառնալով ՔՊ-ական Հրաչյա Հակոբյանի հայտարարությանը, թե Գերասիմ Վարդանյանը մեղավոր չէ, իրեն ԱԺ բերողներն են մեղավոր:
Հիշեցնենք՝ նախօրեին ԱԺ-ում ՔՊ-ական պատգամավորների և «Հայաստան» խմբակցության պատգամավորների օգնականնների միջև տեղի ունեցած ծեծկռտուքից հետո Հրաչյա Հակոբյանը հայտարարել էր, թե քրեական գործերով անցնող Գերասիմ Վարդանյանի խորհրդարան բերողներն են մեղավոր։
«Այն, ինչ Հրաչյա Հակոբյանը ներկայացնում է, առաջին հերթին բնութագրում է իրենց, իրենց խմբակին և իրենց վարքագիծը։ Մենք մեր խմբակցության կողմից գնահատականը հնչեցրել ենք և այս պահին սպասում ենք քաղաքական իշխանության գնահատականին, դատապարտմանը և պատասխանատվության միջոցների առաջարկին կամ կիրառմանն այն պատգամավորների նկատմամբ, ովքեր իրենց պահել են ոչ միայն առերևույթ հանցագործություն բնութագրվող տարբեր դրսևորումներով, այլ նաև ցուցաբերել են շարունակական բնույթ կրող և Ազգային ժողովի հեղինակությունը զրոյացնելու ուղղված գործողություն», – նշեց Մինասյանը։
Պատգամավորը չհերքեց, որ ՀՅԴ-ական Գերասիմ Վարդանյանի, ինչպես նաև «Հայաստան» խմբակցության բազմաթիվ պատգամավորների նկատմամբ հարուցված կեղծ քրեական գործեր կան:
Մինասյանը նշեց, թե Գերասիմ Վարդանյանը որևէ ձևով որպես մեղադրյալ չի անցնում ԱԺ նախագահի սպանության փորձ կազմակերպելու քրեական գործով։
Մանրամասները՝ տեսանյութում:
