17.12.2025 | 18:15
Պապոյանն ու Շվեյցարիայի դեսպանը քննարկել են տնտեսության ոլորտում երկկողմ համագործակցության ընդլայնման հնարավորությունները
Ես գիտեմ, թե ինչ կանեմ, եթե լինի պատերազմ, դուք գիտե՞ք. Քերոբյան․ ՏԵՍԱՆՅՈՒԹ
Հասարակություն
18.11.2021 | 12:55
Իրանական խոշոր ընկերությունների խումբը պատրաստվում է խոշոր ներդրում անել «Մեղրի» ազատ տնտեսական գոտում։ Այսօր կառավարության նիստից հետո լրագրողների հետ ճեպազրույցում ասաց ՀՀ էկոնոմիկայի նախարար Վահան Քերոբյանը։
«Կառավարության հաջորդ նիստին կներկայացվի ծրագիր «Մեղրիի» ազատ տնտեսական գոտում բավական խոշոր իրանական ընկերությունների խմբից ներդրում կատարելու մասին։ Հաստատվելուց հետո այն անմիջապես կսկսի իրագործվել։ Բացի այդ, էլի բազմաթիվ թեմաներ կան։ Մեղրիում ունենք լավ նախագիծ, որը «Իզմիրլյան» հիմնադրամի հետ միասին ենք անում», – ասաց նախարարը և հավելեց, որ Սյունիքում հետաքրքրված են նաև հայ ներդրողներ։
Անդրադառնալով դելիմիտացիայի և դեմարկացիայի վերաբերյալ հարցերին՝ Քերոբյանը նշեց, որ դրանք կիրականացնեն մասնագետները քարտեզներով, օրինակ՝ 88թ. քարտեզով: Եվ անդրադառնալով հարցին, թե ինչու մինչև դելիմիտացիայի և դեմարկացիայի իրականացումը հայկական կողմը ևս չի գնում ադրբեջանի տարածքում ճանապարհներ վերցնում, Քերոբյանն արձագանքեց. «Եվ վերսկսեն պատերա՞զմ: Ես գիտեմ, թե ինչ կանեմ, եթե սկսվի պատերազմ, իսկ դուք գիտե՞ք՝ ինչ կանեք: Ես կգնամ պատերազմ, իսկ դո՞ւք»:
Քերոբյանը հավելեց, որ մեր կառավարությունը հրապարակել է խաղաղ դարարաշրջանի մասին իր վերաբերմունքը և հետևողականորեն փորձում է իրագործում է խաղաղությանը հասնելու ծրագիրը:
Մանրամասները՝ տեսանյութում:
