29.06.2026 | 16:14
Մասիսում հանրային սննդի օբյեկտի գործունեություն է կասեցվել
Դեմարկացիայի գործընթացը տեղից չի շարժվում Ադրբեջանի կողմից ձգձգման, պատասխան չտալու պատճառով․ Փաշինյան. ՏԵՍԱՆՅՈՒԹ
Քաղաքականություն
17.11.2021 | 16:49
Կարևոր եմ համարում դելիմիտացիայի և դեմարկացիայի գործընթացն ավարտին հասցնելը: Ազգային ժողով-Կառավարություն հարցուպատասխանի ընթացքում այս մասին հայտարարեց ՀՀ վարչապետ Նիկոլ Փաշինյանը:
«Դեռևս 2021 թվականի մայիսին Կառավարության նիստում հայտարարել եմ, որ պատրաստ եմ ստորագրել այդ պահին սեղանին դրված առաջարկությունը դելիմիտացիայի և դեմարկացիայի գործընթաց սկսելու վերաբերյալ:
Չափազանց կարևոր եմ համարում դելիմիտացիայի և դեմարկացիայի գործընթացի մեկնարկը և ավարտին հասցնելը:
Ըստ էության՝ մայիսին և դրանից հետո ՌԴ-ն 3 անգամ հանդես է եկել առաջարկով, բոլոր 3 անգամները համաձայնություն ենք տվել այդ գործընթացով շարժվել առաջ: Իմ տպավորությամբ՝ գործընթացը տեղից չի շարժվել Ադրբեջանի կողմից պրոցեսի ձգձգման կամ կոնկրետ պատասխան չտալու առիթով»,- նշեց վարչապետը՝ անդրադառնալով ՔՊ-ական պատգամավոր Սարգիս Խանդանյանի հարցին, թե ինչու է ուշանում Ադրբեջանի հետ սահմանազատման-սահմանագծման գործընթացը՝ ասաց վարչապետ Նիկոլ Փաշինյանը։
Փաշինյանն ընդգծեց, որ սահմանային իրադրության խաղաղ հանգուցալուծումը չափազանց կարևոր է:
«Նախկինում մեր արած առաջարկություններն ուժի մեջ են, այդ թվում՝ դելիմիտացիայի և դեմարկացիայի գործընթաց սկսելու վերաբերյալ»,- նշեց վարչապետը:
Մանրամասները՝ տեսանյութում:
