15.09.2026 | 22:42
Պուտինի մերձավոր ռուս օլիգարխ Կրեմլյովը վճարել է Թրամփի որդու հարսանիքի ծախսերի մի մասը. ProPublica-ի հետաքննությունը
«Պատերազմական իրավիճակ հայտարարենք․ էլ ո՞նց է լինում պատերազմը»․ Վիգեն Խաչատրյանը միասնության կոչ արեց․ ՏԵՍԱՆՅՈՒԹ
Քաղաքականություն
16.11.2021 | 17:36
Հիմա Հայաստանին ուրանալը, դավաճանություն է: Ողջ հայ ժողովուրդը պետք է միաձուլվի, մոռանա բոլոր տարաձայնությունները: ԱԺ հայտարարությունների ժամին նշեց «Քաղաքացիական պայմանագիր» խմբակցության պատգամավոր Վիգեն Խաչատրյանը։
«Ես կողմ եմ, որ երկրում պատերազմական իրավիճակ հայտարարվի, էլ ո՞նց է լինում պատերազմը»,- նշեց պատգամավորը:
Վիգեն խաչատրյանը հավելեց, որ ցանկացած պետություն ունի իր անվտանգային բարձիկները՝ մեր պետությունը երկու անվտանգային բարձիկ ունի՝ Ռուսաստան ու ՀԱՊԿ-ը։
«Եթե չեն աշխատի այդ բարձիկները, պետք է հրաժարվենք այդ բարձիկներից: Մենք ժամանակ չունենք, թող իրենք մտածեն։ Պարտավորությունը մենք չենք ստանձնել, իրենք են ստանձնել պարտավորություն։ Ռուսաստանը պարտավորություն է ստանձնել, թող մտածի՝ կատարում է, թե չէ։ Ռուսաստանի նախագահը ստորագրել է, թող հաշիվ տա իրեն, իր ստորագրությունը հարգող կա՞, թե չկա՝ ի դեմս Ադրբեջանի լկտի ու ֆաշիստ ղեկավարի։ Ինչքա՞ն մենք պիտի այսպես նեյնիմներ անենք։ Ես չեմ կարծում, որ մենք ճարահատյալ վիճակում ենք, երկու տարի է՝ քաղաքականություն է դրսից պարտադրվում Հայաստանի ներքին ուժերի միջոցով՝ անկառավարելիության քաոս ստեղծել Հայաստանում։ Չստացվեց, չի էլ ստացվելու։ Հիմա ամենավտանգավորը կառավարելիության քաոսն է, որը մենք պիտի բացառենք։ Եվ ես վստահ ասում եմ՝ մեր ժողովուրդը խառնվելու ոչինչ չունի, ծանր իրավիճակ է, բայց սա այն պահն է, երբ հայ ազգը պիտի միավորվի։ 1920 թվականի պատմությունը նորից ուզում են մեր վզին փաթաթել, չի ստացվելու։ Սա նոր չէ մեզ համար՝ որպես ազգ, տեսել ենք էս ամենը։ Եվ հիմա մենք պատմությունից պետք է դասեր քաղենք ու վերջնական հասկանանք՝ մենք ի զորու ենք մեր շահերը պաշտպանել, մենք պարտավոր ենք անվտանգության բարձիկներ ունենալ։ Թող այդ անվտանգության բարձիկի կողմերը մտածեն՝ իրենք այդ բարձիկի դերում են, թե՞ ծակած փուչիկ»,- հայտարարեց Վիգեն Խաչատրյանը։
Մանրամասները՝ տեսանյութում:
