14.09.2026 | 14:48
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
ԵՄ-ն մեկ տարով երկարաձգել է Թուրքիայի դեմ սահմանված պատժամիջոցները
Քաղաքականություն
12.11.2021 | 13:33
ԵՄ Խորհուրդը մեկ տարով երկարաձգել է Թուրքիայի դեմ սահմանված պատժամիջոցները՝ Արևելյան Միջերկրականում գործողությունների պատճառով, գրում է Bianet-ը։
Նախօրեին ԵՄ խորհուրդը հայտարարել է, որ 2019 թվականի նոյեմբերին ընդունված պատժամիջոցները երկարաձգվել են մինչև 2022-ի նոյեմբերի 12-ը։
«Հետևելով Արևելյան Միջերկրականում Թուրքիայի անօրինական հորատման աշխատանքներին՝ խորհուրդը որոշեց մեկ տարով՝ մինչև 2022 թվականի նոյեմբերի 12-ը երկարաձգել պատժամիջոցների ռեժիմը»,- ասվում է հայտարարության մեջ։
Նշվում է, որ ԵՄ-ն նախկինի պես շարունակելու է սահմանափակող միջոցներ կիրառել բոլոր նրանց նկատմամբ, որոնք ներգրավված են կամ պատասխանատու Արևելյան Միջերկրականում անօրինական հորատման աշխատանքների համար։ Նման միջոցները ենթադրում են ցուցակում առկա մարդկանց ակտիվների սառեցում, ինչպես նաև ԵՄ ճանապարհորդությունների արգելք։ Բացի այդ, ԵՄ ֆիզիկական ու իրավաբանական անձանց արգելվում է միջոցները հասանելի դարձնել սահմանափակումների ցուցակում եղածների համար։
Էմմա Չոբանյան
