18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
Մեծ Բրիտանիան համաձայնել է Իրանին վճարել 1979թ․ չմատակարարված տանկեր դիմաց պարտքը․ Bloomberg
Քաղաքականություն
12.11.2021 | 20:40
Իրանի ԱԳՆ փոխնախարար Բաղերի Քյանին հայտարարել է, որ Իրանն ու Մեծ Բրիտանիան հանգել են սկզբունքային որոշման՝ 1979 թվականին չմատակարարված տանկերի համար 400 միլիոն ֆունտի չափով Թեհրանին պարտքի վճարման շուրջ, փոխանցում է Bloomberg-ը։
«Պարտքի մարման հիմնական հարցը և դրա չափը համաձայնեցված են, սակայն վճարման եղանակի և գործընթացի հարցը դեռ լուծված չէ»,- ասել է իրանցի դիվանագետը։
ՄԱԿ-ի Միջազգային դատարանը 2012 թվականին կոչ էր արել Մեծ Բրիտանիային՝ Իրանին փոխհատուցում վճարել Անգլիայի կողմից խզված պայմանագրի համար, որը կնքվել էր International Military Services-ի (IMS) և Իրանի միջև 1974 թվականին։ Այս պայմանագրով ընկերությունը պարտավորվում էր Իրանին մատակարարել ավելի քան 1000 միավոր բրիտանական տանկեր, սակայն 1979 թվականին Իրանում տեղի ունեցած հեղափոխության և իսլամական հոգևորականության իշխանության գալու պատճառով Լոնդոնը հրաժարվեց կատարել պայմանագրի պայմանները։ Թեհրանը դեռևս չի կարողանում փոխհատուցում ստանալ, քանի որ Բրիտանիայի իշխանությունները պնդում են, թե չեն կարող մարել պարտքը, քանի որ Իրանի Պաշտպանության նախարարությունը պատժամիջոցների տակ է։
Տաթև Ֆռանգյան
