11.10.2026 | 15:47
Լեհաստանում ստուգում են Տուսկի դեմ հնարավոր մահափորձի վերաբերյալ տեղեկությունները
Թուրքիայի ԱԳՆ-ն հերքել է Բելառուս ներգաղթյալների տեղափոխմանը ներգրավված լինելու՝ Լեհաստանի մեղադրանքները
Քաղաքականություն
11.11.2021 | 14:17
Թուրքիան կապ չունի Բելառուս ներգաղթյալների անօրինական տեղափոխման հետ։ Այս մասին հայտարարել է Թուրքիայի ԱԳ նախարար Մևլութ Չավուշօղլուն Լեհաստանի իր գործընկեր Զբիգնև Ռաուի հետ հեռախոսազրույցում։ Այս մասին «ՌԻԱ Նովոստի»-ին հայտնել է Թուրքիայի ԱԳՆ-ի աղբյուրը։
«Մեր նախարարը փոխանցել է լեհական կողմին իր հիասթափությունը այն մասին, որ չնայած Թուրքիան խնդրի կողմ չէ՝ նրան փորձում են այդպիսին դարձնել։ Նա հերքել է Թուրքիայի և «Turkish Airlines»-ի հասցեին անհիմն մեղադրանքները»,- ասել է գործակալության զրուցակիցը։
Նրա խոսքով՝ Չավուշօղլուն Վարշավային առաջարկել է Թուրքիա տեխնիկական հանձնաժողով ուղարկել՝ իրավիճակը ստուգելու համար։
Նշենք, որ ավելի վաղ Լեհաստանի վարչապետ Մատեուշ Մորավիցկին քննադատել էր Թուրքիային՝ ներգաղթյալներին Բելառուս տեղափոխելու հարցում դերակատարման համար, ինչը հանգեցրել է բելառուսալեհական սահմանին ներգաղթյալների ճգնաժամի սրման։ Նա մեղադրել էր Թուրքիային ՌԴ-ի և Բելառուսի հետ գործողությունները համապատասխանեցնելու և բելառուսալեհական սահմանին միգրանտների ճգնաժամ ստեղծելու համար։
Էմմա Չոբանյան
