29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
Իրանում հակակառավարական բողոքի ցույցերը ճնշելու գործը կքննարկվի միջազգային տրիբունալում
Քաղաքականություն
11.11.2021 | 13:53
Լոնդոնում կշարունակվի միջազգային տրիբունալի նիստը, որը կքննարկի երկու տարի առաջ Իրանում բռնկված հակակառավարական բողոքի ցույցերը ճնշելու գործը։ Լսումների նպատակն է պարզել՝ արդյո՞ք Իրանի պաշտոնյաների, այդ թվում՝ երկրի գերագույն հոգևոր առաջնորդ այաթոլլա Ալի Խամենեիի գործողությունները որակվում են որպես մարդկության դեմ ուղղված հանցագործություններ, գրում է BBC-ի ռուսական ծառայությունը:
2019 թվականի վերջին զանգվածային բողոքի ցույցերը, որոնք ցնցել էին գրեթե ողջ երկիրը, առաջացել էին վառելիքի գների կտրուկ աճի պատճառով․ մեկ գիշերվա ընթացքում՝ շուրջ 200%-ով։ Ցուցարարներին հավելյալ խթան է հաղորդել ուկրաինական ավիաուղիների ինքնաթիռի խոցումը, որը հրթիռակոծվել էր Թեհրանի օդանավակայանից թռիչքից անմիջապես հետո։ Աղետի զոհ էր դարձել 176 մարդ, հիմնականում՝ իրանցիներ։
Հազարավոր մարդիկ են զոհվել և վիրավորվել Իրանի անվտանգության ուժերի կողմից բողոքի ցույցերը ճնշելու հետևանքով: Տրիբունալը ստեղծվել է Լոնդոնում՝ միջազգային իրավունքի դատավորներից կազմված հանձնաժողովի կողմից:
Տաթև Ֆռանգյան
