29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
ԵՄ-ն կարող է պատժամիջոցներ սահմանել ռուսական «Աերոֆլոտ»-ի դեմ՝ ի պատասխան բելառուսա-լեհական սահմանին միգրացիոն ճգնաժամի․ Bloomberg
Քաղաքականություն
11.11.2021 | 13:38
ԵՄ-ն կարող է պատժամիջոցներ սահմանել ռուսական «Աերոֆլոտ»-ի դեմ՝ ի պատասխան բելառուսա-լեհական սահմանին միգրացիոն ճգնաժամի, հայտնում է Bloomberg-ը։
Պաշտոնապես դեռ քննարկվում է անանուն ավիաընկերությունների դեմ պատժամիջոցների կիրառման հնարավորությունը՝ որպես միգրացիոն ճգնաժամին պատասխան միջոցառումների նոր փաթեթ, որի համար Լեհաստանը մեղադրում է ոչ միայն Բելառուսին, այլև Ռուսաստանին։ Եվրամիությունը քննարկում է Բելառուսի դեմ պատժամիջոցների նոր փաթեթում ավիաընկերություններին, այդ թվում՝ ռուսական «Աերոֆլոտ»-ին և թուրքական «Turkish Airlines»-ին ընդգրկելու հնարավորությունը՝ հիմնված մարդկանց թրաֆիքինգի մեղսակցության և հրահրման մեղադրանքների վրա։
Գործակալության զրուցակցի խոսքով՝ պատժամիջոցների մասին Եվրամիությունը կարող է հայտարարել դեկտեմբերի սկզբին՝ ԱՄՆ-ի և, հնարավոր է, Բրիտանիայի հետ միասին։
Հիշեցնենք, որ հարյուրավոր միգրանտներ հավաքվել են Բրուզգի-Կուզնիցա սահմանային անցակետում՝ լեհ-բելառուսական սահմանին:
Մինսկի և նրա արևմտյան հարևանների միջև միգրացիոն ճգնաժամի սկզբից ի վեր այստեղ փախստականների նման հոսք դեռևս չի եղել։ ԵՄ-ն Բելառուսին ու Ռուսաստանին մեղադրում է այս կերպ տարվող հիբրիդային պատերազմի մեջ։
Տաթև Ֆռանգյան
