22.04.2026 | 17:42
Եթե խնդրահարույց խոսակցություն չէ, ինչու են ասում` WhatsApp-ով զանգի. հարց` Արամ Վարդևանյանին․ ՏԵՍԱՆՅՈՒԹ
Ադրբեջանում 44-օրյա պատերազմի մասնակիցը գործադիրի շենքի դիմաց ինքասպանության փորձ է արել
Քաղաքականություն
10.11.2021 | 17:17
Ադրբեջանում Արցախյան 44-օրյա պատերազմի մասնակիցների շրջանում իշխանություններից դժգոհությունները շարունակվում են։ Մինչ Ադրբեջանի նախագահ Իլհամ Ալիևը տոնախմբություններ է կազմակերպում, պատերազմի մասնակիցները շարունակում են մնալ անտեսված, նրանցից շատերը նաև ծայրահեղ քայլերի են դիմում։
Սոցիալական ցանցերի ադրբեջանական տիրույթում ակտիվորեն քննարկվում է նախօրեին տեղի ունեցած միջադեպը, երբ պատերազմի մի մասնակից փորձել է ինքնասպան լինել։ Համացանցում տարածվել է տեսանյութը, որը հրապարակել է նաև Azadliq Qezeti-ն:
Նեֆթչայայի շրջանի բնակիչ Նամիդ Հուսեյնովը փորձել է տեղական գործադիր իշխանության շենքի դիմաց կտրել երակները։ Նա բացատրել է, որ նման քայլի է դիմել, քանի որ բնակարանային ու սոցիալական պայմանները բարելավելու իր խնդրանքները մնացել են անպատասխան։
Գլխավոր դատախազությունը հայտնել է, որ միջադեպի հետաքննություն է սկսվել։
Նշենք, որ ամիսներ առաջ էլ Գաբալայի Յենգիջե գյուղի բնակիչ, պատերազմի մասնակից Բահրամ Նուրիևը ֆեյսբուքյան ուղիղ եթերում էր ինքնասպանության փորձ արել։ Բացի այդ, վերջին շրջանում Ադրբեջանում ոստիկանների կողմից պատերազմի մասնակիցների նկատմամբ բռնության ու ծեծի դեպքեր են գրանցվել՝ նրանց բողոքների պատճառով։
Էմմա Չոբանյան
