14.09.2026 | 10:12
Երևանի քաղաքապետարանի գործակարգավարական խորհրդակցությունը. ՈՒՂԻՂ
Թուրքիայում 5,1 մագնիտուդով երկրաշարժ է գրանցվել․ սոցցանցերում երկնաքարի անկման տեսանյութեր են հրապարակվում
Քաղաքականություն
09.11.2021 | 19:53
Թուրքիայի կենտրոնական մասը ցնցել է Ռիխտերի սանդղակով 5,1 մագնիտուդով երկրաշարժը։ Այս մասին հայտնում է Yeni Safak-ը։
Երկրաշարժը զգացվել է Քոնիա նահանգի Մերամի շրջանում։ Երկրաշարժի էպիկենտրոնը եղել է 6,82 կմ խորության վրա։ Նահանգապետը հայտարարել է, որ զոհերի մասին տեղեկություններ չեն ստացվել, սակայն կա 3 վնասված շենք։
«Մենք շարունակում ենք մոնիթորինգը։ Կհետևենք իրադարձությունների զարգացմանն ու կտեղեկացնենք հանրությանը»,- ասված է հայտարարության մեջ։
Մինչ այդ, մի շարք թուրքական լրատվամիջոցներ հայտնում են, որ Թուրքիայի բազմաթիվ քաղաքներում նկատել են անհայտ ծագման վառ օբյեկտի անկում։
«Անկարայում ժամը 18։25-ի սահմաններում երկնքում հայտնվել է վառ գնդանման օբյեկտ, որը բավականին արագ ներքև է սլացել։ Ընկնելուց հետո երկնքում հետք է մնացել, որը քիչ անց անհետացել է»,- գրում է ՈւկրԻնֆորմը։
Օբյեկտի անկում են նկատել նաև Ստամբուլում, Քոնիայում, Իզմիրում, Սակարյեում, Անթալիայում և մի շարք այլ քաղաքներում։ Ականատեսները սոցցանցերում անվտանգության տեսախցիկների ձայնագրություններ են հրապարակել՝ ենթադրելով, որ օբյեկտը եղել է երկնաքար։
Քոնիայի բնակիչներն իրենց հերթին հայտարարել են, որ անկումից հետո ցնցումներ են զգացել, որոնք նմանվել են երկրաշարժի։
Meteor, Eskişehir'den böyle görüntülenmiş… ☄ #meteor pic.twitter.com/XGtijjIIuy
— Hava Forum (@HavaForum) November 8, 2021
