19.11.2024 | 18:52
Այլ ելույթներ՝ գաղջից, կսկիծից ու ցասումից չկա՞ն․ Ավինյանը կատակեց․ ՏԵՍԱՆՅՈՒԹ
Մասիսի փոխքաղաքապետը աշխատանքից ազատման դիմում է գրել
Քաղաքականություն
09.11.2021 | 16:43
Մասիսի փոխքաղաքապետ Նորայր Հակոբյանը աշխատանքից ազատման դիմում է գրել: Աս մասին նա տեղեկացրել է ֆեյսբուքյան գրառմամբ:
«Սիրելի մասիսցիներ, քաղաքապետարանի և քաղաքապետարանի ենթակայությամբ գործող կառույցների հարգելի աշխատակիցներ,
Տեղեկացնում եմ , որ այսօր աշխատանքից ազատման դիմում եմ ներկայացրել Մասիսի քաղաքապետ Դավիթ Համբարձումյանին:
2016 թվականի դեկտեմբեր ամսից զբաղեցրել եմ Մասիսի փոխքաղաքապետի պաշտոնը և այն հնարավորինս ծառայացրել իմ սիրելի քաղաքի և նրա բնակիչների խնդիրների լուծմանը:
Թե որքանով եմ կարողացել հաջողել ՝ գնահատականը կտա մասիսցին:
Իմ պաշտոնավարման ժամանակահատվածում Մասիս քաղաքում իրականացվել են սոցիալական և տնտեսական բազում աշխատանքներ՝ փողոցային լուսավորության ցանցի արդիականացում և ընդլայնում, մանկապարտեզների հիմնանորոգում, խաղահրապարակների և մինի ֆուտբոլի դաշտերի կառուցում, զբոսայգու հիմնանորոգում, գազաֆիկացում և այլ ծրագրեր…
Ուզում եմ շնորհակալություն հայտնել համայնքային ծառայության աշխատակիցներին, քաղաքապետարանի ենթակայությամբ գործող կառույցների աշխատակիցներին և Մասիս քաղաքի բնակիչներին համատեղ , արդյունավետ և սրտացավ աշխատանքի համար՝ ի բարօրություն Մասիս քաղաքի և մասիսցու:
Կհանդիպենք առաջիկայում՝ նոր ծրագրերով և անելիքներով…
Շնորհակալությամբ՝ Նորայր Հակոբյան»
