25.04.2026 | 09:21
Դավիթ Չալոյանն ապրիլի 24-ին հաղթել է թուրք բռնցքամարտիկի ու դուրս եկել կիսաեզրափակիչ․ ՏԵՍԱՆՅՈՒԹ
Իսրայելը մի քանի հրթիռ է արձակել Սիրիայում գտնվող թիրախների ուղղությամբ
Քաղաքականություն
09.11.2021 | 16:54
Իսրայելը մի քանի հրթիռ է արձակել Սիրիայում գտնվող թիրախների ուղղությամբ։ Այս մասին հայտնում է սիրիական SANA գործակալությունը։
«Նոյեմբերի 8-ին ժամը 19.16-ի սահմաններում Իսրայելն օդային հարձակում է իրականացրել՝ հարվածներ հասցնելով Սիրիայի կենտրոնական և ափամերձ շրջանների որոշ թիրախներին»,- ասված է հաղորդագրությունում։
Նշվում է, որ Սիրիայի հակաօդային պաշտպանության ստորաբաժանումները հետ են մղել հարձակումը և խոցել հրթիռների մեծ մասը։ Հարձակման հետևանքով երկու զինվոր վիրավորվել է, պատճառվել է նյութական վնաս։
The Times of Israel-ի փոխանցմամբ էլ՝ սիրիացի զինվորականների տվյալներով՝ հարվածները հասցվել են Սիրիայի արևմուտքում գտնվող Հոմսի շրջանին և Միջերկրական ծովի ափի երկայնքով Տարտուսի շրջակայքում գտնվող թիրախներին։ Թիրախներից մեկը գտնվել է Հոմսի մերձակա Շայրաթ օդանավակայանում։
Տաթև Ֆռանգյան
