30.07.2026 | 10:25
178 մլն դրամով «Վարչաֆեստ» է կազմակերպվելու
Լեհ սահմանապահներն արցունքաբեր գազ են կիրառել Բելառուսից եկած ներգաղթյալների ուղղությամբ․ ՏԵՍԱՆՅՈւԹ
Քաղաքականություն
08.11.2021 | 18:49
Լեհ սահմանապահներն արցունքաբեր գազ են կիրառել ապօրինի ներգաղթյալների ուղղությամբ, որոնք փորձել են անցնել Բելառուսի հետ սահմանի տեղադրված փշալարերի վրայով։ Միջադեպի տեսագրությունը հրապարակվել է Լեհաստանի Ազգային պաշտպանության նախարարության Twitter-ում։
«Կուզնիցայի անցակետի տարածքում ներգաղթյալների կողմից սահմանն ուժով հատելու ևս մեկ փորձ»,- ասվում է հրապարակման մեջ։
Սահման ներխուժած ապօրինի ներգաղթյալները փայտերով ու գերաններով փորձել են անցնել ցանկապատը, նրանք նաև քարեր են նետել սահմանապահների ուղղությամբ։ Ներգաղթյալներին հաջողվել է տապալել ցանկապատի մի հատվածը։
Ինչպես ընդգծել է Լեհաստանի սահմանապահ ծառայության հրամանատարության ներկայացուցիչ Կատարժինա Զդանովիչը՝ բոլոր անօրինական ներգաղթյալները, որոնք կկարողանան մուտք գործել երկիր, հետ կվերադարձվեն Բելառուս։ Նա նաև հավելել է, որ սահման ժամանած ոչ մի մարդ ապաստան չի խնդրել։
Տաթև Ֆռանգյան
