27.03.2026 | 20:41
Վարդենիսի, Աշոցքի տարածաշրջաններում և Վարդենյաց լեռնանցքում ձնախան անձրև է տեղում
Սերգեյ Բոնդարենկոյին շնորհվել է ՀՖԿՍՊԻ պատվավոր պրոֆեսորի կոչում
08.11.2021 | 17:44
Անվանի ֆուտբոլիստ Սերգեյ Բոնդարենկոյին Հայաստանի Ֆիզիկական կուլտուրայի և սպորտի պետական ինստիտուտի գիտական խորհուրդը շնորհել է ինստիտուտի պատվավոր պրոֆեսորի կոչում․ տեղեկացնում են armsport.am-ից։
Բուհի ռեկտոր Դավիթ Խիթարյանն ասել է, որ Բոնդարենոկոյին, ով հանդիսանում է նաև բուհի շրջանավարտ, պատվավոր պրոֆեսորի կոչումը տրվել է վերջինիս 73-ամյակին ընդառաջ, նշելով, թե որքան կարևոր է մեծարել անվանի ֆուտբոլիստներին։
Իր հերթին Սերգեյ Բոնդարենկոն շնորհակալություն է հայտնել, նշելով, որ պրոֆեսորի կոչումը բացառիկ է մինչ այդ իրեն տրված բազմաթիվ պատվոգրերի և մեդալների շարքում։
Անվանի ֆուտբոլիստը լրագրողների հետ կարճ զրույցում անդրադարձել է նաև մեր հավաքականի առաջիկա խաղերին, ընդգծելով, որ մեր ընտրանին, ունենալով միավորների այդքան պաշար, իրավունք չուներ այդքան կորուստներ տալ այնպիսի մրցակիցների հետ պայքարում, որոնցում պետք է հաղթեր։ Նա նշեց, որ առաջիկա խաղերում մեր ֆուտբոլիտները պետք է ներդնեն բոլոր ուժերը և ուրախացնեն մեր ժողովրդին, ինչպես դա արեց «Արարատը» 1973-ին։
ArmSport-ի հետ զրույցում Բոնդարենկոն նշեց, որ օրեր առաջ հնարավորություն է ունեցել շատ կարճ հեռախոսազրույց ունենալ հայկական և ռուսական ֆուտբոլի լեգենդ Նիկիտա Սիմոնյանի հետ, շնորհավորել է նրան ծննդյան օրվա կապակցությամբ, մաղթել քաջառողջություն և հույս հայտնել, որ Սիմոնյանը կշարունակի իր ներդրումն ունենալ երկու երկրների ֆուտբոլի զարգացման գործում։
