08.08.2026 | 17:55
Փաշինյանն ու Թրամփը հեռախոսազրույց են ունեցել
Ծնողներին քիչ են տեղափոխում ծառայող որդիների մոտ՝ տեսության. Երևանի փոխքաղաքապետը՝ պատճառի մասին․ ՏԵՍԱՆՅՈՒԹ
Հասարակություն
05.11.2021 | 17:15
Երևանի քաղաքապետարանում օտիմալացման աշխատանքներ են տարվում՝ աշխատանքների հետ կապված, կառուցվածքային փոփոխություններ են իրականացվում: Այս մասին Factor.am-ի հետ զրույցում նշեց Երևանի փոխքաղաքապետ Սերգեյ Ներսեսյանը՝ հավելելով, որ օպտիմալացման արդյունքում արձանագրվել են բավականին լավ կատարողական և ցուցանիշներ:
Հարցին, թե արդյոք 2022թ. բյուջեն բավարար է առկա խնդիրների լուծման համար, Ներսեսյանը պատասխանեց. «2020թ. փորձից ելնելով՝ եկեք ապագայի հետ հույս չկապենք, որովհետև 2020թ. կոլապասային տարի էր: Բայց եթե չունենանք նմանատիպ ֆորսմաժորային իրավիճակ, այո, մեր նախատեսած ծրագրերի իրականացման համար բյուջեն բավարար է: Իհարկե Երևանի խնդիրներն այնքան շատ են, որ բյուջեն ինչքան էլ մեծ լինի, չի բավարարի բոլոր խնդիրների լուծմանը»:
Դիտարկմանը, որ նախկինում ծնողները կարողանում էին գնալ տեսակցության զինծառայության մեջ գտնվող իրենց զավակներին, և դա ապահովում էր Երևանի քաղաքապետարանը, իսկ Հայկ Մարությանի օրոք դա տեղի է ունեցել ընդամենը մեկ անգամ, փոխքաղաքապետը նշեց. «Այդ ծրագրի իրականացման նվազումը զուտ կապված է քովիդի հետ»:
Ներսեսյանը հավելեց, որ վերելակներ փոխելու ծրագրի շրջանակներում առաջնահերթորեն փոխվել են այն 56 շենքերի վերելակները, որտեղ ապրում են հաշմանդամություն ունեցող պատերազմի մասնակից հերոսները, որոնք ունեն տեղաշարժման խնդիրներ:
Մանրամասները՝ տեսանյութում:
