30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Ցանկանում եմ ապրել, ցանկանում եմ ազատություն․ Միխայիլ Սաակաշվիլին նոր հայտարարություն է տարածել
Քաղաքականություն
04.11.2021 | 16:12
Վրաստանի նախկին նախագահ Միխայիլ Սաակաշվիլին բանտից նոր կոչ է տարածել, որում ասվում է, որ իրեն ոչ մի պաշտոն պետք չէ, նա միայն ազատություն է ուզում։
Սաակաշվիլին իրեն քաղբանտարկյալ է համարում, իսկ իր դեմ հարուցված քրեական գործերը որակում է շինծու։ Ի նշան բողոքի՝ նա հացադուլի է հայտարարել կալանավորման առաջին իսկ օրից՝ հոկտեմբերի 1-ից, գրում է Sputnik-ի վրացական ծառայությունը։
«Ես ոչ մի պաշտոն չեմ ցանկանում, ես ցանկանում եմ ապրել, ցանկանում եմ ազատություն, Վրաստանով ազատ տեղաշարժվելու հնարավորություն՝ ազատ ու երջանիկ մարդկանց շարքերում»,- ասված է Սաակաշվիլիի ուղերձում, որը նրա հետ հանդիպումից հետո կարդացել է փաստաբան Գեորգի Գելխաուրին։
Վրաստանի նախկին նախագահի խոսքով՝ պետք չէ հույսը դնել իշխանությունների կողմից համաներման վրա, միայն վրացի ժողովուրդը կարող է ազատել իրեն ու երկիրը։
Սաակաշվիլին նաև ողջունել ու շնորհակալություն է հայտնել «Դրոա» կուսակցության ղեկավար Էլենե Խոշտարիային, որը հացադուլ է հայտարարել խորհրդարանում, երիտասարդ ակտիվիստներին, որոնք ևս, ի նշան համերաշխության, հացադուլ են հայտարարել №12 բանտի դիմաց, ինչպես նաև բոլոր նրանց, որոնք նման ծայրահեղ քայլի են պատրաստվում դիմել Սամեգրելոյում։
Տաթև Ֆռանգյան
