18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
Աշխարհում 10-ից 1-ն աջակցող միջոցի կարիք ունի․ պետք է աշխատենք այս մարտահրավերներին համաքայլ. ՏԵՍԱՆՅՈՒԹ
Հասարակություն
13.10.2021 | 17:22
Tech2Life նախաձեռնությունը միտված է ժամանակակից տեխնոլոգիաների օգնությամբ ստեղծել մի միջավայր, աջակցող տեխնոլոգիայի մի էկոհամակարգ, որը հաշմանդամություն ունեցող մարդկանց հնարավորություն կտա ապրել առողջ, արդյունավետ ու արժանապատիվ կյանքով:
Նախաձեռնության մեկնարկն ազդարարվեց հոկտեմբերի 13-ին Կոմիտասի թանգարան-ինստիտուտում:
Մասնակիցներին ողջունեց ՀՀ աշխատանքի և սոցիալական հարցերի նախարար Նարեկ Մկրտչյանը՝ նշելով, որ ոլորտում կան բազմաթիվ մարտահրավերներ, որոնք վերաբերում են առջակցող միջոցներին, տեխնոլոգիաների զարգացմանը՝ սկսած գնային քաղաքականությունից, վերջացրած հասանելիությամբ:
«Համաձայն Առողջապահության համաշխարհային կազմակերպության տվյալների՝ աշխարհում յուրաքանչյուր տասից մեկ մարդ աջակցող միջոցի կարիք ունի: Հաշվի առնելով այն հանգամանքը, որ գլոբալ առումով բնակչությունը գնում է դեպի ծերացման՝ կան կանխատեսումներ այն մասին, որ 2030 թվականին ավելի քան 2 մլրդ մարդ առնվազն մեկ աջակցող միջոցի կարիք է ունենալու, ուստի մենք ևս պետք է սկսենք ակտիվ քայլեր ձեռնարկել, որպեսզի պատասխանենք այդ մարտահրավերներին»,-շեշտեց նա:
Նախարարն ընդգծեց, որ ՀՀ կառավարությունը և ՀՀ աշխատանքի և սոցիալական հարցերի նախարարությունը վերջին շրջանում գործուն քայլեն են անում այդ ուղղությամբ:
2019-ից աջակցող միջոցների ձեռքբերման նպատակով սկսել են պետական հավաստագրերի տրամադրման համակարգի ներդրումը: «Ըստ էության՝ 2021 թվականին աջակցող միջոցներ ենք տրամադրել շուրջ 19 կազմակերպության կողմից, որոնք ծառայություններ են մատուցում հանրապետության տարբեր մարզերի շուրջ 35 սպասարկման տարածքներում: Պետության կողմից տարեկան տրամադրվում է շուրջ 14 000 աջակցող միջոց»,-տեղեկացրեց նախարարը:
Մկրտչյանի խոսքով՝ 2020-ի Արցախյան 44-օրյա պատերազմից պարզ էր, որ կլինեն բազմաթիվ հաշմանդամություն ունեցող մարդիկ, որոնք տարբեր աջակցող միջոցների կարիք կունենան: Այդ ուղղությամբ սկսել են աշխատանքներ տանել և ձեռք բերել կապեր: Փորձել են հաստատել միջազգային կապեր ամենատարբեր երկրներում՝ գերզարգացած տեխնոլոգիաներ ու միջոցներ ձեռք բերելու նպատակով:
Ըստ նախարարի՝ սա նաև հնարավորության դուռ է բացում: «Հայաստանում կան կայուն գործող ստարտափներ և հսկայական ներուժ: ՀՀ-ում ունենալով աջակցող լավագույն միջոցները՝ գուցե հնարավոր լինի բավարարել ՀՀ-ի կարիքներն ու դուրս գալ միջազգային շուկա»,-ասաց Մկրտչյանը:
Միջոցառման ընթացքում աջակցող տեխնոլոգիայի ոլորտում մասնագիտացած հայկական ստարտափները ներկայացրին իրենց արտադրանքը և մտահղացումները պոտենցիալ ներդրողներին:
