28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Բրիտանական Anglo Asian Mining-ը Ադրբեջանի հետ պայմանագիր է կնքել Արցախի հայկական վերահսկողության տակ գտնվող հանքերի մշակման համար
Քաղաքականություն
01.10.2021 | 22:47
Բրիտանական «Anglo Asian Mining» (AAM) բրիտանական ընկերությունը Ադրբեջանի հետ պայմանագիր է կնքել նոր հանքավայրերի մշակման համար։ Հաղորդում են ադրբեջանական լրատվամիջոցները։
««Anglo Asian Mining» Ադրբեջանի կառավարության հետ փաստաթուղթ է ստորագրել հիմնական դրույթների մասին, որոնք ընկերությանը հնարավորություն են տալիս շահագործել երեք նոր հանք 882 քառ կմ ընդհանուր տարածք ընդգրկող։ Բոլոր երեք-ը ընդգրկվելու են Արտադրանքի կիսման գործող համաձայնագրում։ Բոլոր երեք հանքերում աշխատանքները սկսվելու են Ադրբեջանի Մեջլիսում պայմանագրի վավերացումից հետո»ասվում է ընկերության հայտարարության մեջ։
Նոր պայմանագրի համաձայն՝ ընկերությունը հրաժարվում է Արցախի գրավյալ Քարվաճառի շրջանում գտնող Սոթքի ոսկու հանքավայրի պայմանագրային տարածքի իրավունքից։
«Նման որոշում է կայացվել այն բանից հետո, երբ ընկերությունը գնահատել է տվյալ տարածքի անվտանգության ռիսկերը և երկարաժամկետ հեռանկարում հանքի շահագործման համար անհրաժեշտ մեծ կապիտալ ծախսերը: Սակայն, ընկերությունը բանակցություններ է վարում Ադրբեջանի կառավարության հետ Քարվաճառում այլընտրանքային հետազոտական տարածքի ստացման շուրջ»,-ասվում է հայտարարության մեջ։
Ընկերության այս հայտարությունը բավական ուշագրավ է, քանի որ ցանկության դեպքում էր նրանք չէին կարող զբաղվել Սոթքի հանքավայրի հետազոտմամբ ու շահագործմամբ, քանի որ այն ամբողջովին պատկանում է ՀՀ-ը։ Դեռևս ԽՍՀՄ տարիներից հանքն ամբողջությամբ շահագործել է Հայաստանը, այն հանդիսացել է ՀԽՍՀ սեփականությունը, որը հաստատող տարբեր փաստաթղթեր կան։
Արցախյան 44-օրյա պատերազմից հետո հանքի մի մասն այժմ անցել է ադրբեջանական վերահսկողության տակ։
Anglo Asian Mining-ը նշում է, որ Մեջլիսում պայմանագրի փոփոխությունների վավերացումից հետո Ադրբեջանում ընկերությունը կունենա 8 պայմանագրային տարածք՝ 2 հազար 544 քառ. կմ ընդհանուր մակերեսով:
«Երկու նոր տարածքները ընդհանուր 808 քառ կմ տարածքով սահմանակից են արդեն իսկ պայմանագրային տարածքներ Գեդաբեկին ու Գոշին։ Նրանք ներառում են խոշրագույն պորֆիրի հանքավայր ու նրան հարակից Խարխարի պղնձի հանքավայրը։ Այս ակտիվների գնահատումը կսկսվի անմիջապես: Համաձայնագրի վավերացումից հետո կսկսվի հանքային ռեսուրսների և հանքաքարի պաշարների գնահատման համապարփակ հետազոտական ծրագիրը»,- ասվում է հայտարարության մեջ:
Երրորդ պայմանագրային տարածքը հայկական Կաշենի հանքն է, որը մոտ է Դրմբոնին։ Նշենք, որ այս երկու հանքերն էլ գտնվում են հայկական վերահսոկողության տակ։
«Ադրբեջանի կառավարությունը բոլոր ջանքերը կգործադրի Գազիլբուլագ՝ Դրմբոնի ու Դեմիրլիին՝ Կաշենի, պայմանագրային տարածքներ ֆիզիկական մուտք ապահովելու համար»,- ասվում է ընկերության հայտարարության մեջ։
Հավելենք, դեռ Արցախյան պատերազմի ժամանակ բրիտանական այս ընկերությունը բանակցություններ էր վարում Բաքվում Մեծ Բրիտանիայի դեսպանի միջոցով Ադրբեջանի իշխանությունների հետ հանքերի հարցերով, ինչին ավելի վաղ անդրադարձել ենք։
Էմմա Չոբանյան
