09.06.2026 | 16:30
Մինչև նոր կառավարության ձևավորումը 2 ամիս ունենք․ վարչապետ․ ՏԵՍԱՆՅՈՒԹ
«Եթե Նիկոլը ըտեղ ա, մի հատ քարով գանգին խփեք»․ հրապարակվում են Պավել Մանուկյանի և մյուսների հեռախոսազրույցները
Հասարակություն
21.03.2018 | 14:36
Երևանի ընդհանուր իրավասության դատարանի Շենգավիթի դատարանում հրապարակվում են «Սասնա ծռերի» գործով ՊՊԾ գնդից արված հեռախոսազրույցների վերծանությունները։ Մեղադրողն ընթերցեց հատվածը, թե ինչպես է Պավել Մանուկյանի որդին՝ Արամ Մանուկյանը, զանգահարում տարբեր մարդկանց, հորդորում դուրս գալ փողոց:
«Սաղին հանեք, հեղափոխությունը սկսված ա։ Ժողովրդին մոբիլիզացրեք, հանեք փողոց։ Օսիպյանն էլ մեր ձեռքում ա, ինչքան ծանոթ ունեք, տեղեկացրեք, թող դուրս գան փողոց»,- ասվում է հրապարակված հեռախոսազրույցի արձանագրությունում։
Ձայնագրության մյուս հատվածում Պավել Մանուկյանի հեռախոսազրույցներն էին, որոնցում շոշափվում էր «Ելք» խմբակցության ղեկավար Նիկոլ Փաշինյանի և ՀԱԿ խմբակցության ղեկավար Լևոն Զուրաբյանի անունները։
«Զուրաբյանին ու Նիկոլին թող քցեն զիբիլի վեդրոն, Նիկոլին շպրտեք զիբիլի վեդրոն։ Եթե Նիկոլը ըտեղ ա, մի հատ քարով գանգին խփեք»,- ըստ դատախազի հրապարակած արձանագրության՝ իր զրուցակցին հեռախոսազրույցում ասել է Պավել Մանուկյանը։
Հեռախոսազրույցների արձանագրությունների հրապարակումից հետո Պավել Մանուկյանը ցանկացավ հայտարարությամբ հանդես գալ, սակայն ինչպես նիստի սկզբում, այնպես էլ հիմա, դատավորը չթույլատրեց՝ ասելով, որ հայատարարությունները կարվեն նիստի ավարտին։
Լիլիթ Շաբոյան
