22.01.2026 | 18:52
«Բարսելոնայի» առանցքային ֆուտբոլիստը չի խաղա մեկ ամիս
Կայացավ հավակնորդների մրցաշարի 9-րդ տուրը
21.03.2018 | 14:33
Երեկ՝ մարտի 20-ին կայացած հավակնորդների մրցաշարի 9-րդ տուրում Արոնյանը միավորը կիսեց Մամեդյարովի հետ և այժմ 3․5 միավորով 6-րդ տեղում է։
Ֆաբիանո Կարուանան կիսեց միավորը Լիրեն Դինգի հետ և այժմ 6 միավորով միանձնյա գլխավորում է մրցաշարային աղյուսակը:
Ուեսլի Սո-Ալեքսանդր Գրիշչուկ պարտիան ևս ավարտվեց հաշտությամբ, ինչի մասին Գրիշչուկը գոհունակություն է հայտնել: 9-րդ տուրից հետո նա 5 միավորով գտնվում է մրցաշարային աղյուսակի 3-րդ տեղում:
Օրվա շրջադարձային իրադարձությունը Կարյակինի հաղթանակն էր Կրամնիկի նկատմամբ, որից հետո վերջինիս՝ մամուլի ասուլիսին չներկայանալը մեծ աղմուկ է բարձրացրել:
Այսօր՝ մարտի 21-ը, հանգստյան օր է։ 10-րդ տուրը կկայանա մարտի 22-ին, որում մրցող զույգերն են՝
Գրիշչուկ-Կարյակին
Կրամնիկ-Արոնյան
Մամեդյարով-Կարուանա
Դինգ-Սո
Պարտիաներին հետևեք ուղիղ միացմամբ մարտի 22-ին, ժամը 18:00-ից:
