27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Տղաների հետ առայժմ ոչ ոք չի խոսել․ Քասախի համայնքապետը՝ երեկ ադրբեջանական կողմում հայտնված և վերադարձված քաղաքացիների մասին
20.09.2021 | 14:33
Երեկ՝ կեսգիշերին մոտ ԱԱԾ-ն տեղեկություն տարածեց, որ Ադրբեջանի վերահսկողության տակ գտնվող տարածքում հայտնված Քասախի երկու բնակիչները վերադարձվել են Հայաստան։
Միջադեպի մասին մանրամասներ պարզելու նպատակով Factor․am-ը զրուցել է Քասախ համայնքի ղեկավար Արա Մկրտչյանի հետ. «Տղաների հետ առայժմ ոչ ոք չի խոսել։ Նրանք երեկ կեսգիշերին տեղափոխվել են Գորիս՝ Ռազմական ոստիկանության տրամադրության տակ։ Որոշակի գործողություններ կատարելուց հետո, ամենայն հավանականությամբ, իրենց ուղարկել են տուն»։
Արա Մկրտչյանն անդրադարձավ նաև ճանապարհի անվտանգության խնդրին և Գորիս-Կապան այլընտրանքային ճանապարհին, որի հիմնանորոգումը, ըստ կառավարության, կավարտվի մինչև նոյեմբեր․ «Դա նշանակում է, որ մենք հոժարակամ այդ ճանապարհը զիջում ենք, բնական է՝ արդեն սարամիջյան ճանապարհներով պետք է գնանք»։
Հիշեցնենք, որ ԱԱԾ-ն սեպտեմբերի 18-ին հայտնեց, թե տեղեկություններ են ստացվել առ այն, որ նույն օրը ՀՀ Կոտայքի մարզի Քասախ համայնքի երկու բնակիչներ (տվյալները հայտնի են) Գորիս-Որոտան ճանապարհահատվածով երթևեկելիս շեղվել են մայրուղուց և հայտնվել Ադրբեջանի վերահսկողության տակ գտնվող տարածքում: Իսկ երեկ կեսգիշերին կառույցից հայտնեցին, որ ՀՀ ԱԱԾ և ՌԴ ԱԴԾ սահմանապահների կողմից իրականացված աշխատանքների արդյունքում ժամը 23:45-ին ադրբեջանական կողմը վերադարձրել է նրանց:
Մերի Մարտիրոսյան
