18.01.2026 | 14:06
Թրամփը ցանկանում է մեկ միլիարդ դոլար երկրներից՝ իր ստեղծած Խաղաղության խորհրդում մշտական անդամակցության համար
Իսրայելում առաջին անգամ գլխով միմյանց կպած սիամական երկվորյակներին բաժանելու վիրահատություն են կատարել
Քաղաքականություն
06.09.2021 | 22:27
Իսրայելում առաջին անգամ գլխով միմյանց կպած սիամական երկվորյակներին բաժանելու վիրահատություն են կատարել, հայտնում է BBC News-ը։
Երկվորյակ աղջիկները ծնվել են 2020 թվականի օգոստոսին։ Նրանց բաժանման նախապատրաստումը, որը ներառում էր նաև գլխամաշկի փոխպատվաստում, շարունակվել է մի քանի ամիս։
«Նախապատրաստական աշխատանքները նաև ներառել են երկվորյակների 3D մոդելավորում վիրտուալ իրականության մեջ։ Բարեբախտաբար, ամեն ինչ անցավ այնպես, ինչպես և մենք հույս ունեինք»,- ընդգծել է գլխավոր նեյրովիրաբույժ Միկկի Գիդեոնը։
Տեղեկացվում է, որ այս պահին աղջիկներն իրենց լավ են զգում, կարող են ինքնուրույն շնչել և ուտել։ Ակնկալվում է, որ բաժանումից հետո նրանք կկարողանան լիարժեք կյանք վարել։
Հավելենք, որ աշխարհում նման վիրահատություն իրականացվել է ընդամենը 20 անգամ, իսկ Իսրայելում՝ առաջին անգամ։
Տաթև Ֆռանգյան
