23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
Գիտնականները կոչ են անում արագացնել SARS-CoV-2-ի ծագման ուսումնասիրությունը
Քաղաքականություն
26.08.2021 | 23:02
SARS-CoV-2 կորոնավիրուսի ծագման առաջին ուսումնասիրությանը մասնակցած անկախ փորձագետները, որը 2021 թվականի սկզբին Առողջապահության համաշխարհային կազմակերպությունը պատվիրել էր իրականացնել Չինաստանում, կոչ են անում հնարավորինս շուտ շարունակել հետաքննությունը: Այս կոչը կատարվել է 11 գիտնականների կողմից՝ Nature ամսագրում, գրում է DW-ի ռուսական ծառայությունը:
Նրանց կարծիքով՝ շատ շուտով նման ուսումնասիրություններն անհնար կդառնան օբյեկտիվ պատճառներով. հակամարմինները, որոնք կարող են օգտագործվել համաճարակի սկզբնական փուլերի վերաբերյալ եզրակացություններ անելու համար, ի վերջո անհետանում են մարդկանց և կենդանիների օրգանիզմից:
Փորձագետները կարծում են, որ ուշադրության են արժանի ոչ միայն «լաբորատոր ծագման» կամ «վիրուսի շուկայում հայտնվելու» տարբերակները, այլ նաև այն վարկածը, ըստ որի՝ վիրուսը կարող էր մարդկանց փոխանցվել այն ֆերմաներից մեկում, որտեղ սովորաբար պահվում են վայրի կենդանիներ: 2016 թվականին Չինաստանում նման տնտեսություններում աշխատում էր մոտ 14 միլիոն մարդ:
Օգոստոսի կեսերին ԱՀԿ-ն հայտարարեց ուսումնասիրությունների երկրորդ փուլի նախապատրաստման մասին, որոնք նախատեսված են SARS-CoV-2-ի ծագումը որոշելու համար: Այս փուլը ներառում է հիվանդության ամենավաղ հայտնի դեպքերի բազային տվյալների հետագա վերլուծություն և ԱՀԿ-ում նշված 2019 թվականին վարակվածներից վերցված արյան նմուշների ուսումնասիրություն: Կազմակերպությունը կոչ է արել բոլոր երկրներին՝ մի կողմ դնել տարաձայնությունները և աշխատել միասին:
Տաթև Ֆռանգյան
