09.06.2026 | 14:24
Աֆրիկայի լավագույն մրցավարը չի ստացել ԱՄՆ մուտքի վիզա ու չի սպասարկի ԱԱ-2026-ի խաղերը
«AstraZeneka» պատվաստանյութը ճանաչված է ԵՄ-ի կողմից, իսկ ՀՀ-ում տրվող պատվաստման սերտիֆիկատները՝ ոչ․ ԱՆ պարզաբանումը
07.07.2021 | 19:06
Առողջապահության նախարարությունն անդրադարձել է լրագրող Մարկ Գրիգորյանի՝ «AstraZeneka» պատվաստանյութի վերաբերյալ ֆեյսբուքյան գրառմանը՝ պարզաբանելով, որ Հայաստանում առկա «AstraZeneka» պատվաստանյութը ճանաչված է ԵՄ-ի կողմից:
«Ներկայումս ընթանում է նաև պատվաստման հավաստագրերի փոխճանաչումը, որի դեպքում ԵՄ երկրները կճանաչեն ՀՀ-ում տրվող պատվաստման սերտիֆիկատները, իսկ մենք ԵՄ երկրներինը:
Նշենք, որ գործընթացով զբաղվում է Արտաքին գործերի նախարարությունը»,- նշված է հայտարարության մեջ:
Նշենք, որ լրագրող, հաղորդավար Մարկ Գրիգորյանը ֆեյսբուքյան իր էջում գրել էր․ «Որոշել էի մեկնել Նորվեգիա՝ դստերս և թոռներիս մոտ։ Նորվեգիան ընդունում է պատվաստվածներին։ Բայց․․․ Բայց դա պետք է լինի Եվրոպայում ճանաչված պատվաստում։ Կարծես թե՝ ի՞նչ խնդիր։ AstraZeneca-ն Աֆրիկայում էլ է AstraZeneca։ Պարզվեում է, որ ոչ։ Հայաստանում ստացած QR կոդը Եվրոպայում չեն ճանաչում։ Կարծես թե, հարցը հեշտ լուծում ունի (չէ՞ որ AstraZeneca-ն Անտարկտիդայում էլ է․․․), և ես զանգահարեցի ՀՀ առողջապահության նախարարության Հիվանդությունների վերահսկման և կանխարգելման կենտրոն։ «Թեժ գծի» հեռախոսները չեն պատասխանում։
Օգտվելով այն հանգամանքից, որ ճարտարապետության թանգարանը, որտեղ ես աշխատում եմ, գտնվում է առողջապահության նախարարության հետ նույն շենքում, ես դիմեցի այնտեղ (ինչպես ինձ ասացին՝ «թեժ գծի» աշխատակիցները սուրճ էին խմում)։ Ինձ տվեցին Armed eHealth ընկերության հեռախոսահամարը, որն էլ տրամադրում է այդ QR կոդերը (որոնք, ինչպես պարզվեց, հազիվ թե ինչ-որ մեկին հետաքրքրում են)։
Դրան հաջորդեց սովորական բյուրոկրատական ընթացքը՝ ընկերությունից ինձ ուղարկեցին ԱՆ, այնտեղից չգիտես ինչու լաբորատորիա (ի՞նչ լաբորատորիա), իսկ լաբորատորիայից՝ Armed և առողջապահության նախարարություն։ Շրջանն ամբողջացավ։ Իսկ երբ դա տեղի ունեցավ, ինձ խորհուրդ տվեցին դիմում գրել առողջապահության նախարարին։ Կեցցե՛ նոր բյուրոկրատիան»։
