13.01.2026 | 16:31
Վինուս Ուիլյամսի մրցախաղում գրանցվել է տարիքային ռեկորդ. ՏԵՍԱՆՅՈՒԹ
ԱԺ-ում Ֆրանսիայից ժամանած պատվիրակության են հյուրընկալել
Քաղաքականություն
03.04.2025 | 18:07
Ճանաչողական այցի շրջանակում ապրիլի 3-ին Ազգային ժողով է այցելել Ֆրանսիայի Մեյզիո քաղաքի պատվիրակությունը՝ քաղաքապետ Քրիստոֆ Քինյուի գլխավորությամբ: Հյուրերին ընդունել է ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանը: Հանդիպմանը ներկա են եղել նաեւ բարեկամական խմբի անդամ Ռուստամ Բաքոյանը եւ պատգամավոր Ալխաս Ղազարյանը․ տեղեկացնում են ՀՀ ԱԺ-ից։
Կողմերն արձանագրել են հայ-ֆրանսիական հարաբերությունների բարձր մակարդակն ու կարեւորել դրանց հետագա խորացումը: Վլադիմիր Վարդանյանը շնորհակալություն է հայտնել բարեկամ Ֆրանսիային՝ հայ ժողովրդի համար ծանր օրերին մշտապես Հայաստանի կողքին լինելու ու ցուցաբերած աջակցության համար:
Ընդգծվել է, որ երկու ժողովուրդների միջեւ ձեւավորված հարյուրամյակների պատմություն ունեցող ավանդական կապերը հայ-ֆրանսիական միջպետական հարաբերությունների զարգացման կարեւոր հիմք են: Մեյզիո քաղաքում կա կուռ հայկական համայնք, գործում են հայկական կառույցներ, հայերն ակտիվ ներգրավված են քաղաքի հասարակական կյանքում: Անդրադարձ է եղել Հայաստանի եւ Ֆրանսիայի տարածաշրջանների փոխգործակցությանը, այս համատեքստում Մեյզիո եւ Հրազդան քաղաքների միջեւ կապերի խթանմանը:
Զրուցակիցների քննարկման առանցքում են եղել ինչպես հայ-ֆրանսիական հարաբերությունների զարգացման հեռանկարները, այնպես էլ տարածաշրջանային ու աշխարհաքաղաքական զարգացումներին վերաբերող հարցեր: Նշելով, որ մեր երկիրը կարեւորում է հարեւանների հետ հարաբերությունների կարգավորումը` Վլադիմիր Վարդանյանը հյուրերին ներկայացրել է Ադրբեջանի հետ խաղաղության պայմանագրի շուրջ բանակցությունների ընթացքը, առկա մարտահրավերները:
