10.07.2026 | 02:01
ԱԱ-2026․ Ֆրանսիան դուրս եկավ կիսաեզրափակիչ․ ՏԵՍԱՆՅՈՒԹ
«Ոստիկանությունն անցավ ահաբեկչական գործողությունների, ըստ ամենայնի, ունենալով Բաղրամյան 26-ի հրահանգը». Լ Բարսեղյանը` ՊՊԾ գնդի գրավման օրերի մասին
Հասարակություն
08.06.2017 | 15:39
Ոստիկանությունն այդ օրերին որոշեց, որ պետք է անցնի ահաբեկչական գործողությունների, ըստ ամենայնի, ունենալով Բաղրամյան 26-ի հրահանգը. այս մասին այսօր լրագրողների հետ հանդիպմանն ասաց Խոսքի ազատության պաշտպանության կոմիտեի նախագահ Լևոն Բարսեղյանը` խոսելով «Մարդու իրավունքների խախտումները Հայաստանում 2016թ. հուլիսի 17-30-ը» թեմայի շուրջ:
«800-ից ավելի մարդ ապօրինի կերպով բերման է ենթարկվել: Սարի թաղի միջադեպի հետ կապված, ոստիկանությունը գործածում էր «արգելված գոտի» ձևակերպումը, ինչը օրենքով սահմանված չէ: Մարդիկ իրավունք ունեին ազատ ելումուտ ունենալ ու այդ անհեթեթ պատճառով գրոհ և հարձակում կազմակերպեցին ցուցարարների վրա, որոնք Սարի թաղում էին»,- նկատեց բանախոսը:
Իսկ Հայաստանի Հելսինկյան կոմիտեի նախագահ Դանիել Իոաննիսյանը խոսելով ոստիկանության կիրառած հատուկ միջոցների մասին, ասաց. «Եթե խաղաղ հավաքի ժամանակ ինչ-որ ցուցարարներ ոչ խաղաղ պահվածք են ցուցաբերում, ապա դա նշանակում է, որ պետք է այդ անձանց մեկուսացնեն և ոչ թե բոլորի նկատմամբ կիրառեն հատուկ միջոցներ»:
Իոաննիսյանն ասաց նաև, որ դեպքեր են եղել, որ ոստիկանները մարդկանց ձեռնաշղթաներ են հագցրել ու ծեծի ենթարկել ոչ հավաքի վայրում:
«Կուզեի խոսել ոստիկանների կողմից կիրառված լուսաձայնային նռնակների ու արցունքաբեր գազի մասին: Ոստիկանները լուսաձայնային նռնակները գործածելուց հետո գիլզաները նետում էին ժողովրդի վրա: Քաղաքացի կա, ում մարմնից 75 բեկոր են հանել: Դա անգամ պատերազմի գոտում ամեն վիրավորի հետ չի պատահում»,- ասաց նա:
Առավել մանրամասն` տեսանյութում:
