09.06.2026 | 12:43
Թրամփը հայտարարել է, որ Իրանի հետ գործարքը կարող է կնքվել «երկու կամ երեք օրից»
Քարոզարշավին շատերը զարմացան Սերժ Սարգսյանի անբռնազբոս արտահայտություններից․ սցենարն այդպես էր գրվել. Ժիրայր ՍԵֆիլյան
Քաղաքականություն
29.06.2021 | 13:05
«Այն, ինչ կատարվեց, շատ նման էր 44-օրյա մշակված օպերացիային, սա կոչել ընտրություններ, ճիշտ չէ, ավելի ճիշտ կլինի կոչել օպերացիա, որը նախօրոք նախապատրաստված էր: Այսօր հրավիրված ասուլիսում այս տեսակետը հայտնեց Ազգային ժողովրդավարական բևեռի խորհրդի անդամ Ժիրայր Սեֆիլյանը:
«Բոլորս հիշում ենք նախընտրական օրերի «սև ու սպիտակի» խաղերը, շատերը զարմացել էին Սերժ Սարգսյանի անբռնազբոս արտահայտություններից, բոլորը հասկանում էին, որ դա Սերժը չէ, Սերժիկը նման բան չի անի, բայց քանի որ սցենարը այդպես էր գրվել, բոլորը ենթարկվել են այդ սցենարին:
Այս ապիկար իշխանություններից սպասելի չէ այսպիսի հատուկ ոսկերչական վարպետությամբ մշակված օպրեցիա, կարծում եմ, բոլորն էլ կհասկանան, թե ովքեր են այս ամեն ինչն արել: Նիկոլները, քոչարյանները, սերժերը ընդամենը տիկնիկներ են, որ խաղացվել են այս բեմահարթակում:
Մեր ժողովուրդը տակավին չի գիտակցում, թե ինչպիսի մեծ հարված ենք ստացել այս ընտրություն կոչվածով, հոգեբանական իմաստով ես նույնիսկ այն համաչափ կհամարեի 44 օրյա պատերազմից ստացած հարվածին: Ում բողոքենք, երբ մենք գիտենք, որ տեղի է ունեցել հայ ժողովրդի դեմ հարձակում՝ այսպիսի օպերացիայի տեսքով: Այս երևույթի դեմ պետք է դիմադրել, պայքարել, և Ազգային ժողովրդավարական բևեռի գոյության իմաստը հենց այդ է, մենք դիմադրելու ենք մեր ժողովրդի գիտակից շերտի միջոցով և վստահ եմ, որ հասնելու ենք մեր նպատակին»,- նշեց Սեֆիլյանը:
Մանրամասները՝ տեսանյութում:
