27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
ՀԱԿ-ն ԱԺ արտահերթ ընտրությունների հարցով ՍԴ չի դիմելու
Քաղաքականություն
28.06.2021 | 17:21
«Հայ ազգային կոնգրեսի» փոխնախագահ Լևոն Զուրաբյանը Factor.am-ի հետ զրույցում ասաց, որ կուսակցությունը չի պատրաստվում դիմել Սահմանադրական դատարան։
Զուրաբյանի խոսքով՝ իմաստ չունի ՍԴ դիմելը, քանի որ, այսպես թե այնպես, ընտրությունների արդյունքների օրինականացման հարցը քննարկման առարկա դառնալու և քննվելու է։
Մեր հարցին, թե ինչ ակնկալիքներ ունեն Սահմանադրական դատարանից, Զուրաբյանը նկատեց՝ ոչ մի ակնկալիք ունենալ պետք չէ․ «Այս Սահմանադրական դատարանից արդարադատություն ակնկալելու իմաստ չկա»,- եզրափակեց նա։
Նշենք, որ համաձայն ԿԸՀ-ի կողմից երեկ հրապարակված արդյունքների՝ «Քաղաքացիական պայմանագիր» կուսակցությունը 8-րդ գումարման ԱԺ-ում կունենա 71 մանդատ, «Հայաստան» դաշինքը՝ 29, «Պատիվ ունեմ» դաշինքը` 7 մանդատ։
Վերջին երկու ուժերը հայտարարել են, որ ընտրությունների արդյունքները վիճարկելու են Սահմանադրական դատարանում։
