Քաղաքականություն
28.02.2018 | 13:20Ազգային ժողովը քիչ առաջ ընտրեց Բարձրագույն դատական խորհրդի 5 անդամներին:
Քվեարկության արդյունքներով ՍԴ նախագահ Գագիկ Հարությունյանի օգտին դեմ էին քվեարկել ընդամենը երկու պատգամավոր: Մինչդեռ ընդդիմադիր «Ելք» խմբակցության ղեկավար Նիկոլ Փաշինյանը հայտարարեց՝ իրենց խմբակցությունից քվեարկությանը մասնակցած 7 պատգամավորները դեմ են քվեարկել: «Լիազորված եմ հայտարարել, որ «Ելք» խմբակցության 7 պատգամավորները դեմ են քվեարկել Գագիկ Հարությունյանի և Գևորգ Դանիելյանի թեկնածությանը, ուստի սա համարում եմ մանր ժուլիկություն ընդդեմ «Ելք» դաշինքի»,- նշեց Փաշինյանը: ԱԺ Հաշվիչ հանձնաժողովի նախագահ Գագիկ Մելիքյանը միջամտեց. «Հաշվիչ հանձնաժողովները միաձայն ստորագրել են արձանագրությունը, հաշվել քվեաթերթիկները, ուստի անհիմն հայտարարությունների կարիքը չկա »,- հայտարարեց նա:
Հաշվիչ հանձնաժողովի անդամ, «Ելք» խմբակցության պատգամավոր Լենա Նազարյանը հակադարձեց. «Չեմ կարող վստահ լինել, որ դեմ քվեաթերթիկները չէին կարող փոխարինվել կողմ քվեաթեթրիկներով»:
Մանրամասները՝ տեսանյութում:
