27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Արայիկ Հարությունյանի՝ ՔՊ շտաբ այցը դժգոհություն է հարուցել. բողոքի ակցիա Արցախի նախագահականի մոտ․ ՏԵՍԱՆՅՈՒԹ
Քաղաքականություն
21.06.2021 | 20:22
Ստեփանակերտում՝ Արցախի նախագահի նստավայրի դիմաց, բողոքի ակցիա է իրականացվում։ Քիչ առաջ համացանցում կադրեր հրապարակվեցին, որոնցից պարզ է դառնում, որ նախագահի նստավայրը շրջապատված է քաղաքացիներով։
Արցախի նախագահ Արայիկ Հարությունյանի խոսնակ Լուսինե Ավանեսյանը Factor.am-ին ասաց, որ ակցիայի պատճառն Արայիկ Հարությունյանի՝ նախօրեին Երևանում «Քաղաքացիական պայմանագիր» կուսակցության նախընտրական շտաբ այցն է։
Հիշեցնենք, որ երեկ Factor.am-ն արձանագրել էր, որ Արայիկ Հարությունյանը քվեների արդյունքների ամփոփման ընթացքում ժամանել էր ՔՊ-ի շտաբ։ Պատասխանելով մեր հարցին՝ Հարությունյանը նշել էր, որ անձնական հարցերով է Երևանում։
Այսօր արդեն Արցախի նախագահականից հայտնեցին, որ Արայիկ Հարությունյանը երեկ այցելել է նաև այլ ուժերի շտաբներ։ Հարությունյանի խոսնակը մեզ հետ զրույցում ասաց նաև, որ ակցիայի մասնակիցները դեռևս ձևակերպված պահանջ չեն ներկայացրել։
Հարցին՝ Արայիկ Հարությունյանը պատրաստվո՞ւմ է հանդիպել ցուցարարների հետ, Լուսինե Ավետիսյանը պատասխանեց, որ նա դեռ Երևանում է։
Մանրամասները՝ տեսանյութում։
Նարեկ Կիրակոսյան
