Քաղաքականություն
20.06.2021 | 13:30Ընտրությունների նախընտրական քարոզարշավի ընթացքում տեղի ունեցած իրավախախտումների վերաբերյալ ստացված տեղեկություններով մինչև քվեարկության օրը ՀՀ ոստիկանությունում արձանագրվել է 246 դեպք․ հայտնում է ՀՀ ոստիկանության շտաբի պետ Արմեն Մկրտչյանը։
Ըստ Մկրտչյանի՝ արձանագրված 246 դեպքից որպես հանցագործության վերաբերյալ հաղորդում Քրեական դատավարության օրենսգրքի 180-181 հոդվածների կարգով ընթացք է տրվել 124 դեպքի, 120-ը չեն պարունակել առերևույթ հանցագործության հատկանիշներ և ստուգվում են որպես պատահար։
Նշված առերևույթ հանցագործության 124 դեպքից 30-ը գրանցվել է Երևանում, իսկ 94-ը՝ մարզերում։
«Ստացված հանցագործությունների վերաբերյալ 124 հաղորդումները հիմնականում վերաբերել են՝ ընտրակաշառք ստանալուն, տալուն, առաջարկելուն, խոստանալուն, տրամադրելուն՝ 35 դեպք, ընտրողների ազատ կամքի իրականացմանը խոչընդոտելուն՝ 15 դեպք, նախընտրական քարոզչությանը մասնակցությանը հարկադրելուն կամ խոչընդոտելուն՝ 16 դեպք, լրագրողի օրինական մասնագիտական գործունեությանը խոչընդոտելուն՝ 2 դեպք, գույքը դիտավորությամբ վնասելուն՝ 27 դեպք, 25-ը՝ քարոզչական պաստառների վնասելուն, խուլիգանության, ծեծի և սպառնալիքի՝ 15 դեպք, այլ բնույթի՝ 13, արձանագրված դեպքերից 67-ը ընտրական իրավախախտումներ են, իսկ 57-ը ունեն այլ բնույթ»,- նշեց ՀՀ ոստիկանության շտաբի պետը։
ՀՀ ոստիկանությունում արձանագրված 246 դեպքերի առիթով հարուցվել է քրեական գործ։
Մանրամասները՝ տեսանյութում։
