01.05.2024 | 23:43
Կիրանցում ունենք սահմանազատման ենթակա 11 կետ. Նիկոլ Փաշինյան. ՏԵՍԱՆՅՈՒԹ
Գլխավոր դատախազությունն ուսումնասիրում է «Իզմիրլյան» ԲԿ-ի տնօրենի ձայնագրությունը
Հասարակություն
18.06.2021 | 15:54
ՀՀ Գլխավոր դատախազությունն ուսումնասիրում է մամուլում հայտնված ձայնագրությունը, որտեղ «Իզմիրլյան» ԲԿ-ի տնօրեն, « Հայաստան» դաշինքի թեկնածուն սպառնում է իր աշխատակիցներին «կոշտ վերաբերմունքի» արժանացնել, եթե չգնան ընտրության։
Չարչյանը իր աշխատակիցներին ասում է, որ ցուցակներ ունի և կկարողանա պարզել, թե ով ում է ընտրել։
Դատախազությունից Factor.am-ին փոխանցեցին, որ ուսումանասիրության մասին լրացուցիչ մեկնաբանություն կտրվի։
Նշենք, որ Արմեն Չարչյանը «Հայաստան» դաշինքի 20-րդ համարն է։ Մենք փորձեցինք նաև նրանից մեկնաբանություն ստանալ, սակայն Չարչյանն ասաց՝ հեռախոսով հարցերի չի պատասխանում, իսկ երբ հարցրինք իր գտնվելու վայրը՝ գնալու և տեղում զրուցելու համար, ասաց, որ արձակուրդում է և անջատեց հեռախոսը։
Լիլիթ Շաբոյան
