11.10.2026 | 13:23
Հոկտեմբերի 13-16-ին Հայաստանի առանձին շրջաններում անձրև կտեղա
Հայաստանի դրոշը մաշված ջինսի պես են նկարել․ Ռոբերտ Քոչարյան. ՏԵՍԱՆՅՈՒԹ
Քաղաքականություն
16.06.2021 | 15:17
Սա ընտրություն է արժանապատիվ խաղաղություն ունենալու և ծնկաչոք կյանքը շարունակելու միջև, ընտրություն է տնտեսության թռիչքաձև աճի և գործազրկության ու աղքատության աճի միջև: Այս մասին ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը հայտարարեց քարոզարշավի շրջանակներում Մարալիկի բնակիչների հետ հանդիպման ժամանակ: Նրա խոսքով՝ վերջին երեք տարիներին գրանցվել են արտագաղթի ռեկորդային թվեր. 90 հազար մարդ լքել է երկիրը:
«Անորոշություն է, մարդիկ չեն պատկերացնում, թե ապագան ինչպիսին է լինելու, ծրագրային լուծումներ չկան, ողջամիտ կերպով չի ներկայացվում, թե մեր երկիրն ուր է գնում: Իրենց կարգախոսն է ՝ «ապագա կա», բայց էլ չեն ասում՝ ինչ ապագա, վատ ապագան էլ է ապագա: Եվ Հայաստանի դրոշն էլ մաշած ջինսի պես են նկարել: Ի՞նչ ապագա, ձեզ հետ ապագա չկա»,- ասաց Քոչարյանը:
Նա հայտարարեց, թե իրենք այն ուժն են, որը մուրճն օդում չի թափահարելու. «Մենք սիրում ենք շինարարությունը, և մուրճը կօգտագործենք միայն նպատակային` շենքեր կառուցելու համար։
Մենք հիստերիկ դրսևորումների կարիք չունենք։ Իմ կարծիքով` հիստերիկությունը թուլության նշան է: Մենք դրա կարիքը չունենք»:
Մանրամասները՝ տեսանյութում:
