13.05.2026 | 22:27
Հայտնի է Հայաստանի Գավաթի եզրափակիչը սպասարկող մրցավարական անձնակազմը
ՀԱՊԿ-ը պատրաստվում է արձագանքել Սյունիքի միջադեպին
Քաղաքականություն
13.05.2021 | 17:00
Հավաքական անվտանգության պայմանագրի կազմակերպությունում (ՀԱՊԿ) այս պահին հայտարարություն է նախապատրաստվում․ կառույցը պատրաստվում է արձագանքել ՀՀ Սյունիքի մարզում երեկ՝ մայիսի 12-ին տեղի ունեցած միջադեպին։ Այս մասին տեղեկացրեցին ՀԱՊԿ մեր աղբյուրները։
Մինչ այդ, ՀԱՊԿ-ում ՀՀ մշտական ներկայացուցիչ Վիկտոր Բիյագովն այսօր տեղի ունեցած մշտական խորհրդի նիստի ընթացքում տեղեկացրել է Հայաստանի Հանրապետության պետական սահմանին տեղի ունեցած միջադեպի մասին։ ՀԱՊԿ գլխավոր քարտուղար Վյաչեսլավ Զասը խնդիրը քննարկել է, և այսօր կառույցի կայքում պետք է ներկայացվի ՀԱՊԿ պաշտոնական դիրքորոշումը։
Հիշեցնենք՝ ՀՀ մշտական ներկայացուցիչ Բիյագովը նշել է, որ Ադրբեջանի իրականացրած սադրանքը ուղղակի ոտնձգություն է ՀԱՊԿ անդամ Հայաստանի ինքնիշխան տարածքի նկատմամբ և լրջագույն սպառնալիք՝ տարածաշրջանային անվտանգությանը և կայունությանը: Նրա կողմից ընդգծվել է նաև, որ հնարավորինս արագ և ողջամիտ ժամկետներում Ադրբեջանի զինուժի ստորաբաժանումների՝ Հայաստանի Հանրապետության տարածքից հետքաշումը չիրականացնելու դեպքում իրավիճակի հետագա էսկալացիայի ողջ պատասխանատվությունն ընկնում է ադրբեջանական կողմի վրա:
Նշենք, որ մայիսի 12-ին ադրբեջանական զորքերը մուտք էին գործել ՀՀ տարածք։ Արդեն կեսգիշերին մոտ հրավիրված Անվտանգության խորհրդի նիստում վարչապետի պաշտոնակատար Նիկոլ Փաշինյանը հաստատել էր, որ ադրբեջանական կողմը հատել է ՀՀ պետական սահմանն ու մինչև 3․5 կմ խորացել։
Մերի Մարտիրոսյան
