24.01.2026 | 08:40
Հայաստանի հետ խաղաղ միջուկային համագործակցության համաձայնագիր կկնքենք․ Թրամփ
ԱԺ-ում քննարկվում է ֆիլմարտադրության մասին նախագիծը. ՏԵՍԱՆՅՈՒԹ
Մշակույթ
07.05.2021 | 17:27
Ազգային ժողովում քննարկում է Կինեմատոգրաֆիայի մասին և կից ներկայացված օրենքների նախագծերի փաթեթը, որով նախատեսվում է նաև պետական աջակցության շնորհիվ նպաստել կինեմատոգրաֆիայի ոլորտի զարգացմանը: «Իմ քայլը» խմբակցության պատգամավորներ Մխիթար Հայրապետյանի, Արթուր Մանուկյանի, Արման Եղոյանի և «Լուսավոր Հայաստան» խմբակցության պատգամավոր Աննա Կոստանյանի հեղինակած նախագծերի փաթեթը ներկայացրեց Աննա Կոստանյանը:
Զեկուցողի խոսքով՝ փաթեթի ընդունման անհրաժեշտությունը պայմանավորված է կինեմատոգրաֆիայի ոլորտի համապարփակ կարգավորման և միասնական իրավական ակտերի սահմանման անհրաժեշտությամբ: Մասնավորապես անհրաժեշտ է կանոնակարգել կինեմատոգրաֆիայի ոլորտի պետական ֆինանսավորման, օտարերկրյա ներդրումների համար բարենպաստ պայմանների ստեղծման, ֆիլմերի վիճակագրական հաշվառման և այլ հարցեր:
«Ռազմավարության նշանակետը կայանում հետևյալում, որպեսզի կինոարտադրողը զարգանա, որպեսզի համատեղ արտադրությունը զարգանա և օտարերկրյա արտադրողները Հայաստան գան ֆիլմեր նկարահանելու համար: Ռազմավարության գործիքակազմը նպաստում է տեղի արտադրողի և նրա համագործակցությունների համար բարենպաստ պայմաններ ստեղծելուն, որպեսզի նա այդ պայմանների շնորհիվ կարողանա որպես արտադրող զարգանալ, նախագծեր իրականացնել, հեղինակություն ձեռք բերել, միջազգային ասպարեզում այդ հեղինակություն օգտագործել, ինչպես նաև նպաստել երկիրը կինոյի միջոցով պրոպագանդելուն, միջազգային համագործակցություններ հաստատելուն՝ նպաստելով երկրի տնտեսության զարգացմանը»,- նշեց Կոստանյանը:
Պատգամավորիպոսքով՝ գործիքակազմի օրինակ է պետական հատկացումը՝ սուբսիդիան, արտադրողին վերջապես հենց որպես սուբսիդիա հատկացնելու մեխանիզմը: Գործիքակազմի մեկ այլ օրինակ են արտոնությունները: Առաջարկվում է հայկական ֆիլմերի տոմսերի վաճառքից շահութահարկը ազատել:
«Հավաստագրի հիման վրա մատակարարի կողմից ֆիլմարտադրության հետ անմիջականորեն կապված ծառայությունների նկատմամբ կիրառված 20 տոկոս զեղչի չափով շահութահարկից ազատման արտոնությունը տալու է հնարավորություն, որպեսզի օտարերկրյա ներդրողները ևս հետաքրքրություն ունենան այստեղ ֆիլմ նկարելու համար»,- նշեց Կոստանյանը՝ նաև հավելելով, որ սա պետբյուջեի վրա բացասական ազդեցություն չի ունենա:
