10.08.2026 | 19:54
Կոլումբիայում 7.4 մագնիտուդով հզոր երկրաշարժ է տեղի ունեցել․ զոհերի թիվը հասել է 20-ի
Գերմանիայի Բունդեսթագի նախկին պատգամավորները Բաքվից կաշառ ստանալու մեղադրանքով դատարանի առաջ կկանգնեն
Քաղաքականություն
15.01.2025 | 20:13
Գերմանիայի ընդդիմադիր Քրիստոնեա-դեմոկրատական միություն/Քրիստոնեա-սոցիալական միություն դաշինքից Բունդեսթագի երկու նախկին պատգամավորներ կկանգնեն դատարանի առաջ՝ Բաքվից կաշառք ստանալու մեղադրանքով։ Այս մասին գրում է DW-ն, որին վկայակոչում է ադրբեջանական Meydan TV-ն։
«Ադրբեջանական գործով» մեղադրյալներն են Աքսել Ֆիշերն ու Էդուարդ Լինտները։ Առաջինին մեղադրում են կաշառք ստանալու, երկրորդին՝ պաշտոնյաներին կաշառելու մեջ՝ ԵԽԽՎ-ում Ադրբեջանի օգտին որոշումների կայացման վրա ազդելու համար։
Քննության տվյալներով՝ Լինտները, որը 2010 թվականից աշխատել է ԵԽԽՎ-ում, 2016 թվականին մի քանի միլիոն եվրո է ստացել 19 կեղծ ընկերությունների միջոցով։ Այդ գումարի մի մասը նա փոխանցել է այլ պատգամավորների, ինչը, ըստ հետաքննության, պետք է ազդեր անհրաժեշտ որոշումների ընդունման վրա։
Ֆիշերը, որը նույնպես ԵԽԽՎ-ում է 2010 թվականից, հանդես է եկել Ադրբեջանին ձեռնտու ելույթներով։ Փոխարենը նա ստացել է 21,800 եվրո կաշառք։
Դատավարությունը սկսվելու է հունվարի 16-ին Մյունխենի դատարանում։ Սպասվում է, որ երեսուն նիստից բաղկացած դատաքննությունը կավարտվի ապրիլի 25-ին։
Թարգմանությունը՝ Էմմա Չոբանյանի
