18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Փաշինյանը կհանդիպի գերիների հարազատների հետ, ռուսերենը` պաշտոնական լեզու Արցախում. Լուրեր
Քաղաքականություն
17.02.2021 | 12:14
12:00
Շիրակի մարզպետարանում մեկնարկել է ՀՀ վարչապետ Նիկոլ Փաշինյանի հանդիպումը։ Նա նախ խորհրդակցություն է ունենալու մարզպետարանի աշխատակազմի հետ, ապա հանդիպելու է Արցախյան պատերազմի ընթացքում գերության մեջ հայտնված անձանց ծնողների հետ։
—
Ռուսերենն Արցախում պաշտոնական լեզվի կարգավիճակ կստանա։ Այսպիսի օրենքի նախագիծ են շրջանառել Արցախի խորհրդարանի պատգամավորները։
—
Արցախի նախագահ Արայիկ Հարությունյանը տեղեկացրել է, որ ռուսական խաղաղապահների հրամանատարության միջնորդությամբ ադրբեջանցիները հայկական կողմին են հանձնել զոհված 106 անձի մարմին:
Բոլորն դիերը անճանաչելի են: Ենթադրվում է, որ զոհվածները հուղարկավորված են եղել և դիերը հանձնել են արտաշիրիմումից հետո։ Հրադադարից հետո որոնումների արդյունքում հայտնաբերված կամ Ադրբեջանի կողմից փոխանցված դիերի ընդհանուր թիվը 1485 է
—
2018-2024 թվականի ծրագրերով Հայաստանը գնելու էր 1,3 մլրդ դոլարի զենք։ Այս մասին երեկ հրապարակված հարցազրույցում ասել է երրորդ նախագահ Սերժ Սարգսյանը։ Նա նշել է, որ նախատեսված էր 2500 հատ անօդաչուների գնում, որոնցից 1000 հատը՝ մինչև 2020 թվականը։ Ըստ Սարգսյանի՝ այդ պլանը փոփոխվել է նոր իշխանության օրոք։
Սարգսյանը գործող իշխանությանը մեղադրել է իր գործողություններով բանակը կազմաքանդելու, Շուշիի անկումը Սեյրան Օհանյանի վրա բարդելու և Շուշիի ուղղությամբ Իսկանդեր հրթիռ արձակելու մեջ։
