28.04.2026 | 12:41
ՌԴ-ում «Ջերմուկի» որոշ խմբաքանակների իրացման հնարավոր կասեցման վերաբերյալ ՍԱՏՄ-ն պաշտոնական ծանուցում չի ստացել
Պենտագոնը խոստովանել է, որ հետազոտել է չբացահայտված թռչող օբյեկտի բեկորներ․ ՖՈՏՈ․ Daily Mail
Քաղաքականություն
16.02.2021 | 15:51
Պենտագոնը խոստովանել է, որ իր տրամադրության տակ ունեցել ու հետազոտել է չբացահայտված թռչող օբյեկտ։ Այս մասին հայտարարել է հետազոտող Էնթոնի Բրագալիան, ով ստացել է ավելի քան 150 էջանոց տեքստ ԱՄՆ Պաշտպանության նախարարության հետաքննչական վարչությունից՝ ի պատասխան իր եռամյա վաղեմության հայցին, որը արվել էր տեղեկատվության ազատության մասին օրենքին համապատասխան, գրում է բրիտանական Daily Mail-ը։
Հետազոտողը խնդրել էր վարչությանը իրեն տրամադրել տեղեկություններ կառավարության ձեռքի տակ գտնվող չբացահայտված անօդաչու թռչող սարքերի բեկորների կառուցվածքի ու հատկության մասին։
Ինչպես իր UFO Explorations բլոգում պատմել է Բրագալիան, երկրի իշխանությունների կողմից տրամադրված զեկույցում բազմիցս հիշատակվում է «առաջադեմ տեխնոլոգիաների մասին», որը կապված է «նիթինոլ» անվամբ նյութի հետ։ Այն նկարագրվում է որպես համաձուլվածք, որն ունակ է վերականգնել իր ձևը։ Գերատեսչության զեկույցի որոշ էջերում նշվում է, որ Պենտագոնը ուսումնասիրել է բժշկական նպատակներով «նիթինոլը» մարդու օրգանիզմում ներմուծելու հնարավարությունը։
Բրագալիայի խոսքով՝ «նիթինոլի» հատկությունները նման են մետաղի հատկությանը և օժտված է հիշողության ազդեցությամբ, որը հայտնաբերվել է Նյու-Մեքսիկո նահանգում ՝ Ռոզուելեի մոտերքում, 1947 թվականի չբացահայտված թռչող օբյեկտի կործանման վայրում։
Բեկորները, որոնք մնացել են կործանումից հետո, տեղափոխվել են Գրին շրջանում գտնվող Ռայթ-Ֆիլդ ռազմաբազա։
Ռոզուելեի սեպտեմբերյան վթարից հետո օդային հետախուզության գեներալ Ջորջ Շուլգենը հայտարարել է, որ թռչող ափսեների կառուցման համար օգտագործվում են նյութեր, որոնք ամենայն հավանակնության կազմված են «բաղադիր կամ շերտավոր կոնստրուկցիաներից` օգտագործելով մետաղների և պլաստմասսայի տարբեր համակցությունները»։
1960-ականներին հետազոտող Քևին Ռենդլիի հետ ձայնագրված զրույցի ընթացքում գեներալ Արթուր Էքսոնը նկատել է, որ աղետի վայրում ուսումնասիրված բեկորները բաղկացած են «հատուկ մշակված» տիտանից:
Զեկույցում նաև նշվում է տեխնիկապես բարդ նյութի մասին, որն անվանվում է «մեթանյութեր», քանի որ կազմված են մի քանի էլեմենտներից, այսինքն նյութը կարող է բաղկացած լինել մետաղի ու պլաստիկի մի քանի շերտերից։
«Չնայած զեկույցի մանրամասների մեծ մասը խմբագրվել է, սակայն կարելի է եզրակացնել, որ նկարագրված տեխնոլոգիաները բառացիորեն ներկայացնում են քվանտային թռիչք` մարդուն հայտնի բոլոր առկա նյութերի հատկություններից այն կողմ », – գրել է Բրագալիան իր բլոգում:
Տաթև Ֆռանգյան
