14.01.2026 | 19:00
«Թրամփի ուղին» ավելի մեծ անվտանգային երաշխիք է, քան եթե ԱՄՆ դեսպանը գնա սահման, ասի՝ մի կրակեք․ Հայկազ Ֆանյան․ ՏԵՍԱՆՅՈՒԹ
Կադիրովը պնդում է, որ Ուկրաինան ԱԹՍ-ներով հարձակվել է Չեչնիայի ՆԳՆ հատուկ գնդի զորանոցի վրա
Քաղաքականություն
12.12.2024 | 13:24
Չեչնիայի ղեկավար Ռամզան Կադիրովը հայտարարել է Գրոզնիում ոստիկանական հատուկ գնդի զորանոցին անօդաչու թռչող սարքի հարվածի մասին։ Նա հայտնել է չորս վիրավորի մասին, փոխանցում է Current Time-ը։
«Օդում պայթած անօդաչու թռչող սարքը վնասել է տանիքը և կոտրել ապակիները։ Բեկորների անկման հետևանքով առաջացել է փոքր հրդեհ, որն արագորեն մարվել է։ Շենքը լուրջ վնասներ չի ստացել»,- նշել է Կադիրովը։
Նրա խոսքով՝ չորս ծառայող թեթև վնասվածքներ է ստացել։
Մի քանի լրատվամիջոցներ հայտնել են, որ դեկտեմբերի 12-ի գիշերը Չեչնիայի մայրաքաղաքը ենթարկվել է անօդաչու թռչող սարքերի հարձակման, այդ թվում՝ չեչենական ընդդիմադիր 1ADAT պարբերականը։
Ռուսաստանի Պաշտպանության նախարարությունը դեկտեմբերի 12-ի առավոտյան հայտնել է, որ Չեչնիայի տարածքում մեկ անօդաչու թռչող սարք է խոցվել։ Ընդհանուր առմամբ, հաղորդվում է դեկտեմբերի 12-ի գիշերը Ռուսաստանի շրջանների երկնքում 16 անօդաչու թռչող սարքի խոցման մասին։
Թարգմանությունը՝ Տաթև Ֆռանգյանի
