08.10.2026 | 22:59
14 ժամ ջուր չի լինի Արարատի մարզի մի շարք հասցեներում
Վթարային 500-600 շենք կա, շատերը ժամկետանց են․ մասնագետը՝ երկրաշարժի վտանգի մասին. ՏԵՍԱՆՅՈՒԹ
Տնտեսություն
16.02.2021 | 12:12
88թ. երկրաշարժից մի քանի տարի հետո Հայաստանում մշակվեցին սեյսմակայուն շինարարության նախագծման նորմեր, դրանք լրամշակվեցին մի քանի անգամ, վերջին լրամշակումը ավարտվել է 2020թ. դեկտեմբերին: Այս մասին «Հայաստանի սեյսմիկ անվտանգությունը. միֆեր եվ իրական խնդիրներ» թեմայով առցանց քննարկման ժամանակ ասաց ՀՀ Քաղաքաշինության պետական կոմիտեի շինարարության և գիտատեխնիկական նորմավորման վարչության պետ Ռուզաննա Ադամյանը:
Նրա խոսքով՝ Հայաստանի շենքերի, հատկապես բազմաբնակարան շենքերի 70-75 տոկոսը 60-70 տարվա վաղեմություն ունեն, խորհրդային տարիներին կառուցված շենքեր են, որոնք ենթակա են վերակառուցման, դրանց մի մասն էլ ապամոնտաժման ենթակա է, և նոր շենքերի կառուցման խնդիր ունենք:
«Մինչև 95թ., ըստ նորմերի, շենքերի սեյմսակայունության պահանջը եղել է մինչև 7 բալ, այսօր իրավիճակը փոխվել է, Հայաստանի տարածքի մեծ մասը սեյսմիկ կամ բարձր վտանգի գոտում է, և հիմա նախագծման նորմերը ենթադրում են 9 բալի սանդղակին համարժեք կառուցապատում»,- նշեց Ադամյանը:
Մանրամասները՝ տեսանյութում:
