14.03.2026 | 18:24
Իրանում ՀՀ դեսպանությունը շարունակում է աշխատել ինտենսիվ ռեժիմով. ԱԳՆ
Կուրսկում արդեն 300 հյուսիսկորեացի զինվորներ են սպանվել, 2700-ը՝ վիրավորվել․ հարավկորեական հետախուզություն
Քաղաքականություն
13.01.2025 | 11:44
Հարավային Կորեայի հետախուզությունը պնդում է, որ Ռուսաստանի Կուրսկի շրջանում հյուսիսկորեական զորախումբը 300 զոհ ունի։ Ըստ Yonhap գործակալության՝ ԿԺԴՀ-ի ևս 2,700 զինվորական վիրավորվել է։ Այս մասին նշել են հետախուզական ծառայության ներկայացուցիչները խորհրդարանի անդամների հետ ճեպազրույցում, գրում է BBC-ի ռուսական ծառայությունը։
Դեկտեմբերին հարավկորեական հետախուզությունը հայտարարել էր հյուսիսկորեական զորախմբի շրջանում 100 զոհի և շուրջ հազար վիրավորի մասին։
Ուկրաինայի նախագահ Վլադիմիր Զելենսկին կիրակի հրապարակել էր հյուսիսկորեացի երկու գերեվարված զինվորների լուսանկարներ։
Մինչ այս՝ նախորդ շաբաթ Զելենսկին հայտարարել էր, որ Ուկրաինայի զինված ուժերի հետ մարտերում հյուսիսկորեացիների ընդհանուր կորուստները կազմում են շուրջ 4 հազար մարդ, չնշելով թե քանիսն են զոհվել, քանիսը՝ վիրավորվել։
Թարգմանությունը՝ Էմմա Չոբանյանի
