13.01.2025 | 13:42
Վիճաբանելիս տղամարդը խոհանոցային դանակով հարվածել է 55-ամյա տղամարդուն
Ժամանակն է՝ էքստենսիվ գյուղատնտեսությունն այլևս պետության կողմից չդիտարկվի որպես գյուղատնտեսության զարգացման հիմնական միջոց․ նախարար
Տնտեսություն
13.01.2025 | 11:35
Պետությունն այս տարի նախատեսում է գյուղատնտեսության ոլորտի վրա ծախսել 42-43 մլրդ դրամ, այս մասին տարեկան ամփոփիչ ասուլիսում տեղեկացրեց Էկոնոմիկայի նախարար Գևորգ Պապոյանը: Նրա խոսքով՝ անասնաբուծության մեջ 2024-ի առաջին 9 ամիսների դրությամբ արձանագրվել է 1.5 տոկոս աճ, բուսաբուծության մեջ՝ 7.6 տոկոս աճ: Պապոյանի գնահատմամբ՝ այս գործընթացում մեծ դերակատարում ունի պետությունը:
«Եթե 2021 թվականին պետությունը գյուղատնտեսության վրա ծախսում էր մոտ 21 մլրդ դրամ, ապա արդեն 2023, 2024 և 2025 թթ․ այս ցուցանիշը կրկնապատկվել է: Ավելի քան 40 մլրդ դրամ եղել է 2023-ին, 2024-ին՝ կրկին 40 մլրդ դրամ: Նախատեսում ենք 42-43 մլրդ դրամ ծախսել գյուղատնտեսության վրա 2025 թվականին»,- մանրամասնեց նախարարը:
Ըստ Պապոյանի՝ ժամանակն է, որ էքստենսիվ գյուղատնտեսությունն այլևս պետության կողմից չդիտարկվի որպես գյուղատնտեսության զարգացման հիմնական միջոց, կենտրոնացել ենք ինտենսիվ գյուղատնտեսության վրա:
«Հայաստանի նման պետությունը, որն ունի սահմանափակ հողային, ինչու չէ նաև ջրային ռեսուրսներ, պետք է կենտրոնանա սահմանափակ ռեսուրսներով ինտենսիվ գյուղատնտեսության վրա»,- հայտարարեց Էկոնոմիկայի նախարարը։
