30.04.2026 | 11:09
Ադրբեջանով այսօր Հայաստան կուղարվի հացահատիկ և պարարտանյութ
ԵՄ հատուկ ներկայացուցիչը ներկայացրել է Հայաստան-Ադրբեջան կարգավորման գործընթացում միության աջակցության ասպեկտները
Քաղաքականություն
13.01.2025 | 11:49
Հարավային Կովկասի ու Վրաստանում ճգնաժամի հարցերով ԵՄ նորանշանակ հատուկ ներկայացուցիչ Մագդալենա Գրոնոն ամփոփել է հունվարի 7-ից 11-ը Ադրբեջան ու Հայաստան կատարած իր առաջին պաշտոնական այցերը։ X-ի միկրոբլոգում գրառմամբ նա, մասնավորապես, նշել է, որ հանդիպումների ընթացքում վերահաստատել է ԵՄ-ի շարունակական ամուր հանձնառությունը այս ռազմավարական տարածաշրջանին ու կառույցի գործընկերությանը և՛ Հայաստանի, և Ադրբեջանի հետ։
«Գնահատվում է երկու մայրաքաղաքներում ղեկավարների և պաշտոնյաների հետ մտքերի խորը փոխանակումն այն մասին, թե ինչպես լավագույնս առաջ տանել խաղաղությունը, կարգավորման ջանքերը, տարածաշրջանային համագործակցությունը, ԵՄ-Ադրբեջան և ԵՄ-Հայաստան երկկողմ հարաբերությունները: Նույնքան արժևորվում է տեղական քաղաքացիական հասարակությունների հետ կարծիքների փոխանակումը»,- գրել է Գրոնոն։
Եվրոպացի պաշտոնյան ընդգծել է, որ կողմերի հետ հանդիպումներում շեշտել է ԵՄ պատրաստակամությունը՝ ուժեղացնել աջակցությունը կարգավորմանը բոլոր առումներով, այդ թվում՝ աջակցելով Հայաստան-Ադրբեջան երկկողմ բանակցություններին, կենտրոնանալով կապի կոնկրետ ասպեկտների և հումանիտար խնդիրների վրա, խթանելով տարածաշրջանային համագործակցության նախաձեռնությունները։
«ԵՄ-ն վճռական է դեպի տևական խաղաղություն շարժվելու, չլուծված հարցերի շուրջ առաջընթաց ապահովելու և բնակչությանը խաղաղ ապագային նախապատրաստելու հարցում»,- նշել է Մագդալենա Գրոնոն։
Թարգմանությունը՝ Էմմա Չոբանյանի
