08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Կալիֆորնիայում հրդեհի հետևանքով մարդկային կորուստների թիվը հասել է 24-ի․ կրակը չի հաջողվում մարել
Քաղաքականություն
13.01.2025 | 10:50
Կալիֆորնիայի արտակարգ իրավիճակների ծառայությունը զգուշացրել է, որ շաբաթվա սկզբին Լոս Անջելեսում քամիները կարող են ուժգնանալ՝ խթանելով անտառային հրդեհների արագ տարածումը։ Պալիսադեսի շրջանում կրակը մոլեգնում է արդեն 6 օր, գրում է BBC-ի ռուսական ծառայությունը: Հունվարի 7-ից տարածվող կրակը առաջացրել են նման աղետների պատմության մեջ ամենամասշտաբային հետևանքները: Լոս Անջելեսի իշխանությունները հայտնել են, որ հրդեհի զոհերի թիվը հասել է 24-ի։ Շուրջ 180 հազար մարդ տարհանվել է, մոտավորապես 10 հազար շենք է այրվել։ Հոլիվուդյան մի քանի աստղեր ևս կորցրել են իրենց տները, այդ թվում՝ Էնթոնի Հոփքինսը, Փերիս Հիլթոնը, Բիլի Քրիսթալը և Մել Գիբսոնը։
Քաղաքում այս պահին առնվազն երեք հրդեհի օջախ կա՝ Խաղաղօվկիանոսյան Պալիսադես շրջանում (այն տարածվել է մոտ 96 կմ² տարածքի վրա և վերահսկվում է միայն 11%-ը), Հերստում (մոտ 3,2 կմ², 89%-ը վերահսկվում է) և Իտոնի տարածքում (մոտ 57 քառ. կմ², 27%-ը վերահսկվում է)։
Թարգմանությունը՝ Տաթև Ֆռանգյանի
