27.04.2024 | 02:29
ԶՈՒ-ին քաղաքական գործընթացների մեջ ներքաշելու փորձերը համարժեք իրավական գնահատականի կարժանանան. ՊՆ
Մահացու հարուցիչներ․ Էբոլան հայտնաբերած բժիշկը զգուշացնում է նոր հիվանդությունների մասին
Հասարակություն
03.01.2021 | 17:17
Պրոֆեսոր Ժան-Ժակ Մուեմբե-Թամֆումը, որը 1976 թ.-ին օգնել է հայտնաբերել Էբոլա վիրուսը, նախազգուշացնում է նոր մահացու հարուցիչների և, որպես հետևանք, դրանց հետ կապված հիվանդությունների վտանգների մասին, հայտնում է Radio Sputnik-ը:
CNN- ին տված հարցազրույցում նա ասել է, որ Աֆրիկայի տրոպիկական անտառներում կարող են տեղայնացվել նոր և մահացու վիրուսներ:
«Հիմա մենք ապրում ենք մի աշխարհում, որում նոր պաթոգեններ կհայտնվեն: Եվ սա է, որ սպառնալիք է ներկայացնում մարդկության համար», – ասել է Մուեմբե-Թամֆումը:
Նշվում է, որ Կոնգոյի Դեմոկրատական Հանրապետության քաղաքներից մեկում հիվանդներից մեկի մոտ հեմոռագիկ տենդի նշաններ են գրանցվել, նրանից անալիզներ են վերցվել և այժմ սպասում են դրանց արդյունքներին: Կինը կարողանում է շփվել հարազատների հետ թափանցիկ պլաստիկե պատուհանից միայն:
Փորձագետները ենթադրում են, որ կինը էբոլայով չէ վարակված, այլ ինչ-որ « անհայտ հիվանդությամբ»:
Ենթադրվում է, որ նոր հիվանդությունը կարող է նույնքան վարակիչ լինել, որքան COVID-19- ը, իսկ մահացությունը կարող է շատ ավելի մեծ լինել, քան Էբոլայի դեպքում էր։
Տաթև Ֆռանգյան
